Tus thawj coj ntawm RVA txhib kom cov tub tshaj Ntuj Lus Online sib faib cov zaj nyob hauv zej zog.
Txiv Plig Felmar muab nws tej kev paub hais txog digital hauv kev sib tham, los ua ‘kev nkag siab txog qhov tseeb ntawm As Xias.’ Hnub tim 11 lub 9 hlis hauv kev sau siab ntawm cov tub tshaj Ntuj Lus Kav Tos Liv Online nyob As Xias thawj zaug, hauv lub nroog Quezon City. Txiv Plig Felmar uas yog tub tshaj Ntuj Lus ntawm lub Koom Haum Divine Word nyob Mindanao hauv Fis Lis Pees qab teb piav txog kev tawm rooj ntawm nws tias; digital yog los ntawm kev ua tus tshaj lub Moo Zoo thiab ua blocker. Tom qab nkag mus rau cov hauj lwm tshaj xo nyob Sebu xyoo 2014. Nws maj mam sau cov zaj thiab tawm tswv yim uas yog dhau ntawm kev tshaj xo qub qub. Zim txwv no nws tsim cov ntsiab lus thiab tawm tswv yim ua lus Aas Kiv nyob hauv Radio Veritas Asia. Ua ke ntawd kuj saib xyuas qhov platform digital hauv xeem lus Sebuano thiab. Cov ntsiab lus hauv xeem lus Sebuano ntawm nws nrog rau tej liv xwm, kab lis kev cai thiab cov neeg Fis Lis Pees lub neej niaj hnub. Hais txog Txiv Plig Felmar mas nws hais tias : “Kev tshaj lub Moo Zoo hauv digital tsis yog hais txog kev tsim cov zaj hauv kev ntseeg xwb, tab sis nws yog hais txog cov zaj uas twb muaj nyob hauv zej zog lawm.” Thiab kev nrhiav lub tswv yim txhim kho, kom tau muab cov zaj ntawd coj mus tso nyob hauv Online. Nws tseem hais txog kev kho cov ntsiab lus kom haum nrog cov neeg mloog thiab lwm cov platform. Cov ntsiab lus nyob hauv nws qhov Facebook tuaj yeem mus txog cov Kav Tos Liv, cov tsis yog Kav Tos Liv thiab cov neeg nyob hauv lwm txoj kev teev hawm. Cov zaj qhia nyob hauv nws tshooj Youtube yog hais txog cov uas lawv yog neeg ntseeg xwb. Xeem lus yog ib qho tseem ceeb ntawm cov hauj lwm no, uas siv xeem lus Sebuano los tshaj tawm. Txiv Plig Felmar tuaj yeem muab kev ntseeg thiab kev piav nyob hauv digital los ua kom haum nrog xeem lus thiab lwm tus tej kev paub yav tas los nyob Mindanao thiab nyob nruab nrab hauv Fis Lis Pees teb. Nws tej kev paub tau qhia txog kev tshaj lub Moo Zoo hauv digital, uas pib nyob hauv kev mloog zej zog thiab qhia qhov tseem ceeb rau lawv. Dhau ntawd platform digital yuav muab cov zaj hauv zej zog no mus rau cov neeg saib kom pom coob tuaj. Ua ke ntawd kuj txuag kab lis kev cai, txuag xeem lus thiab tib neeg tej kev paub hauv cov zaj uas tshwm sim.
