Tus Txiv Plig Dominican uas nws yog neeg tawm tsam Pakistan hais tias : “Kev tuam choj yog pib ntawm kev sib ntsib.”
“Kev nqua hu kom muaj kev pauv ntxeev hauv lub pwm tsav thiab cov hauj lwm, kom ua tus choj thiab ua tus tuam choj nyob As Xias.” Ib tug Txiv Plig Dominican uas nws yog neeg Pas Kis Taas hais tias : “Kev tuam choj tseeb tiag, yog pib ntawm cov neeg muaj kev ntseeg sib txawv tau sib ntsib nyob hauv niaj hnub.”
Txiv Plig Channan yog tus txhawb nqa kev sib tham ntawm cov neeg ntseeg thiab cov Mawv Xis Lim los tau 40 tawm xyoo. Yav tag los nws yog tus thawj tswj ntawm FABC lub Koom Haum kev sib tham nrog lwm cov kev teev hawm, yog tus kav xwm ntawm cov Tswv Qhia Kav Tos Liv kev cog phooj ywg ntawm cov neeg ntseeg thiab cov Mawv Xis Lim nyob Pakistan, thiab yog tus qub tuav xam ntawm Vaj Qhia hauv kev sib tham nrog lwm txoj kev teev hawm nyob Vas Tis Kas. Hauv kev nrog Radio Veritas Asia sib tham, nws tau ua kom pom txog nws cov hauj lwm tsim kev thaj yeeb nyob hauv ntau caum xyoo tas los.
Koj cov hauj lwm tuam choj hauv niaj hnub, muaj tus yam ntxwv zoo li cas ?
Txiv Plig Channan teb tias : “Kev tuam choj yog kev ua hauj lwm ua ke, kev ua siab ntev thiab sib tham. Hauv lub Koom Haum kev thaj yeeb nyob Lahore, cov neeg ntseeg, cov Mawv Xis Lim, cov His Ntus thiab cov tub ntxhais hluas tuaj sib ntsib tas li kom tau txhawb nqa kev sib hwm, kev ua hauj lwm ua ke los daws zej zog tej kev chim siab.
Dab tsi yog qhov ua rau koj siv koj lub neej los tsim kev thaj yeeb ?
Nws hais tias ; nws txoj kev pib muaj qab muaj quag yog nyob hauv xyoo 1977. Thaum nws tseem kawm kev ntseeg, ua rau nws tau kawm kev ntseeg Islam 6 xyoo, thiab tom qab no nws tau txais daim ntawv pov thawj xeem lus As Las thiab Islam nyob Los Mas. Hauv txoj kev kawm ntawd, tau muab nws tso hauv kev ua hauj lwm rau cov kev teev hawm los ntau caum xyoo.
Koj tseem tuam choj ntxiv mus tau li cas, txawm tias muaj kev sib tawg heev zuj zus thiab muaj kev phem tshwm sim ntau zaus ?
Tab txawm muaj cov kev teev hawm nruj, kev phem thiab kev xaiv ua nyob hauv cov haiv neeg tsawg, tsis kav Txiv Plig Channan hais tias :
“Lub Koom Txoos tseem cia siab rau lub Koom Haum kev thaj yeeb, cov Koom Haum kev ntseeg thiab kev sib koom tes ntawm cov thawj coj hauv zej zog. Tsis hais hauv lub caij tsaus ntuj nti. Tiag tiag mas peb yuav kiam qhov tsaus ntuj, tab sis peb taws tus tswm ciab hauv kev cia siab.”
Qhov ceev tshaj plaws hauv kev cia siab tseeb tiag hauv tej zej zog yog dab tsi ?
Nws thov kom daws teeb meem kev twj lij ntawm cov kev teev hawm, kev ua phem ntawm tej pab neeg, kev yuam kom hloov kev ntseeg, kev yuam sib yuav thiab kev thuam kev ntseeg tsis zoo. Nws hais tias kev cia siab tseeb tiag, loj hlob los ntawm kev pib sib tham ua ntu zus thiab kev sib tham ntiag tug.
Koj npaj txheej neeg tom ntej kom tuam choj li cas ?
Txiv Plig Channan hais tias : “Nws cob qhia cov tub ntxhais hluas hauv kev qhuab qhia, kev sab laj, kev saib xyuas hauj lwm thiab tej ntaub ntawv lawv luam tawm. Txhawb nqa kom lawv tau ua tus coj hauv kev sib tham thiab kev thaj yeeb rau yav tom ntej.
Koj puas muaj kev cia siab dab tsi txog FABC hauv kev tshais ruam mus tom ntej ?
Nws txhib cov neeg ntseeg nyob As Xias kom muaj kev sib tham ntawm cov kev teev hawm. Tshwj xeeb tshaj yog cov neeg ntseeg uas yog cov haiv neeg tsawg, kom lawv muaj feem cuam nrog cov tub ntxhais hluas ntau dua qub hauv kev tsim kev thaj yeeb. Thiab txhawb nqa lub meej mom hauv kev ua neeg, kev ncaj ncees, thiab txiaj ntsim qab hau ua ke hauv kev nyob ua ke yam kaj siab lug.
