Txiv Plig Caermare cov hauj lwm pab cov neeg lag ntseg nyob Dipolog, yog ua raws Vaj Qhia Fas Ntshis Kus tus neev taw
Txiv Plig Caermare yog ib tug nyob hauv tsis pes tsawg leej uas paub txog kev piav tes hauv cov neeg Fis Lis Pees. Kev txiav txim siab ntawm nws rov hais txog rau kev ntsib cov neeg lag ntseg ntawm Vaj Qhia txoj kev mus tsham hauv xyoo 2015. Kev ua cov kab ke ntshiab uas yog pib nyob hauv kev daws txhaum, yog kev twv, kev ua hauj lwm ua kev nrog lub tsev kawm ntawv txheej siab Setsunan, nyob Osaka uas ua tiav.
Txiv Plig Caermare yog tib tug Txiv Plig uas xaiv ua cov kab ke rau cov neeg lag ntseg nyob hauv Dipolog, lub xeev Zamboanga del North.
Nws hais tias : “Kuv tsis paub tias kuv txoj hauj lwm pauv mus yam kuv tsis paub txog. Yog pib ntawm qhov khoob ntshuv mus rau qhov tiav. Tom qab kuv rov mus kawm txuj nyob hauv seminary. Kuv tau sau npe kawm kev piav tes ruam hauv cov neeg Fis Lis Pees thiab tej kev cai hauv cov neeg Fis Lis Pees lag ntseg, nyob hauv lub tsev kawm txheej siab De La Salle. Thiab kuv tau kawm tiav kev piav tes xyoo 2019.”
Nws txoj hauj lwm yog muaj txij thaum nws tau ntsib cov neeg lag ntseg lub caij Vaj Qhia Fas Ntshis Kus mus tsham Fis Lis Pees teb xyoo 2015.
Tau txais kev txhawb nqa hauv kev mus ua tus pab hais txog kev ntseeg (SPRED) ntawm Welcome Home Foundation Inc. Siv sij hawm 1 xyoos, thiab yog lub Koom Haum txhim kho zej zog uas ua hauj lwm pab cov neeg lag ntseg nyob Fis Lis Pees fab kev kawm, qhia kev ntseeg thiab tshaj lub Moo Zoo.
