Txiv Plig Franz Magnis Suseno SJ: Yog tus tuam choj ntawm lub Koom Txoos As Xias.
Txiv Plig Magnis Suseno SJ ntawm lub Koom Haum Yes Xus Is lub neej, tau qhia txog qhov txaus siab ntawm cov hauj lwm ntawd. Txiv Plig Magnis yug nyob Zes Mas Nias teb. Tab sis tom qab no nws tau ntaub ntawv ua neeg Is Ntos Nes Xias. Nws tau muab tus kheej los ua hauj lwm ntev tshaj 50 tawm xyoo los txhawb nqa kev sib tham, kev ncaj ncees thiab neeg lub meej mom. Hauv nws cov hauj lwm uas yog ib tug kws tshawb fawb kev txawj ntse, kws tshawb fawb kev ntseeg, kws tshawb fawb kev ncaj ncees thiab ua xib hwb qhia ntawv, mas muaj neeg hwm nws dav kawg nyob hauv lub Koom Txoos thiab lub neej nrog ib zeej tsoom neeg. Nws tau tuam choj ntawm kev ntseeg txuas nrog zej zog, nrog txhua txoj kev ntseeg thiab tsoom pej xeem. Tswv Qhia Sunarko OFM nyob Pangkalpinang hais tias : “Ib qho ntawm Txiv Plig Magnis tej kev pab cuam loj tshaj, yog nws txoj kev muab siab rau txhawb nqa Vas Tis Kas Ob hauv lub Koom Txoos txoj kev nthuav dav rau lub ntiaj teb tshiab, rau neeg kev ncaj ncees, rau kev thaj yeeb hauv kev ntseeg, rau kev muaj vaj huam sib luag thiab kev sib tham nrog lwm cov kev teev hawm.”
Txiv Plig Magnis tseem tiv cov Txiv Plig lub hwj chim, txhawb nqa cov neeg ntseeg kom muaj feem cuam, txhawb nqa cov poj niam tej hauj lwm thiab thov kom lub Koom Txoos txais tos kev ua hauj lwm ntawm Leej Ntuj Plig Ntshiab.
Nws lub hwj chim ri mus deb dua cov neeg ntseeg Kav Tos Liv. Tus kws txuj Siti Musdah Mulia ntawm cov Islam lub tsev kawm txheej siab nyob hauv lub xeev Syarif Hidayatullah Jakarta hais txog Txiv Plig Magnis tias : “Yog ib tug txhawb nqa kev sib tham txheej siab nyob Is Ntos Nes Xias teb. Tsis yog tias pab txuag kev sib tawg xwb, tab sis yog hais txog kev muaj meej mom sib luag ntawm txhua tus neeg.”
Nws hais tias tej kev txawj ntse thiab kev ncaj ncees ntawm Txiv Plig Magnis, ua kom pom tias kev sib tham yog kev lees txais kev ncaj ncees hauv zej zog tej kab lis kev cai. Txiv Plig Magnis tus piv txwv ua kom pom txog yav tom ntej mus deb kawg. FABC hauv kev tshaj lub Moo Zoo los ntawm kev sib tham thiab hauv tej kab lis kev cai, kev ntseeg thiab tib neeg. Ua ntej kev tuam choj txuas kev sib raug zoo yuav rais ua lub ntsiab lus sab laj hauv xyoo 2026, Txiv Plig Magnis tau ua kom pom txog lub suab hu ntawd nyob hauv kev muaj feem cuam nrog ib tsoom neeg, thiab kev phooj ywg ntau dua kev ntseeg.
Thaum lub Koom Txoos nyob As Xias tab tom xav txog cov hauj lwm yav tom ntej, mas Txiv Plig Magnis lub neej tau qhia cov neeg ntseeg Kav Tos Liv tias :
“Kev ua pov thawj tseeb tiag tsis yog nyob hauv kev ua kom sib tawg, tab sis yog nyob hauv kev txhawb nqa kev sib tham, kev ncaj ncees thiab kev thaj yeeb.”
