Txiv Plig Stan lub cuab tam : txoj kev ncaj ncees rau cov neeg Adivasis tseem muaj ntxiv mus nyob hauv lub nroog Ranchi

Tom qab 4 xyoos ntawm tus Txiv Plig Yes Xus Is txoj kev tuag, uas nws tau muab tus kheej los pab txuag tsoom pej xeem tej av nyob Is Ntias teb. Lub yeej pab cuam neeg Bagaicha uas nws txhim nyob hauv lub xeev Jharkhand tseem taij txoj cai rau cov neeg pluag ntxiv mus. Txiv Plig PM Tony uas yog tus thawj tswj tshiab ntawm lub yeej pab cuam neeg no hais tias : 

“Thaum Txiv Plig Stan’s raug ntes, mas kuv nyob ntawd.”

“Cov hauj lwm no yog ua raws tus tsim cov lus hais. Yog ua rau txhua tus uas xav txog cov teeb meem kub ntxhov hauv cov neeg pluag txom nyem.”

Stanislaus Lourduswamy yog nws lub npe tiag tiag. Nws raug kaw nyob hauv lub nkuaj kaw neeg nyob Mumbai. Tab txawm nws muaj hnub nyoog 84 xyoos thiab muaj mob, tsis kav qhov tseeb tiag yog cov tseem hwv Is Ntias tua nws. Txiv Plig Stan’s raug ntes hnub tim 8 lub 10 hli 2019. Nws lub txim yog raug liam tias koom tes nrog cov neeg ntxeev siab Maoist militias. Txawm li cas kuj xij, raws kev soj ntsuam pom tias qhov files uas pom nyob hauv nws lub hlwb hlau (Computer), yog qhov ua rau nws raug ntes. Raug lwm tus neeg ua tub sab nyiag nkag mus pom. Txiv Plig Stan’s tau txais kev txhawb siab los ntawm pab Yes Xus Is nyob Latin America. Nws thiaj pom txog qhov tseeb uas nco ntsoov tias kev ntseeg hauv kev daws tso, yog txoj kev taij thov kev ncaj ncees rau txheej neeg tom ntej. 

Xyoo 2000 lub Koom Haum Yes Xus Is tau tshais chaw mus rau lub nroog Ranchi, thiab tau txhim tsa lub yeej txhawb nqa zej zog nyob Bagaicha.