Vaj Qhia Leo 14 foom hmoov zoo rau tus pej thuam Yes Xus Pleev nyob hauv lub tsev teev Ntuj Sagrada Familia, thiab thov kom cov neeg ntseeg txhob lees txais kev phem
Ua ntej yuav ua thaj txi Ntuj Vaj Qhia teev Ntuj nyob ntawm lub Cim Yug thiab mus saib Gaudi lub ntxa nyob hauv tsev teev Ntuj. Kev tsuj xeeb zaum no muaj tus vaj Fes Lis Pes Rau (King Felipe VI), tus poj vaj Les Tis Ntxias (Queen Letizia) thiab Pob Zeb Xas Tshes (Pedro Sánchez) tuaj koom nrog thiab.
Vaj Qhia hais txog tus Ntoo Cuam uas ci pom kev nyob saum lub tsev teev Ntuj tus pej thuam tias yog lub cim ntawm kev cia siab, kev them txhim txhaum thiab Tswv Ntuj txoj kev nyiam kev hlub. Hauv Vaj Qhia cov lus nthuav ntawv Moo Zoo, Vaj Qhia thov kom cov neeg ntseeg txhob lees txais kev phem thiab ua lub neej raws nyias txoj kev ntseeg hauv kev khuv leej thiab kev ua tub txib. Vaj Qhia hais li no “Peb tsis ntseeg Yes Xus thiab ua tsov rog tau. Peb tsis ntseeg Yes Xus thiab tua cov neeg dawb huv tau.” Vaj Qhia tseem thov kom cov neeg ntseeg txhawb nqa cov raug kev txom nyem, raug tsim txom thiab cov tsiv teb tsaws chaw.
Vaj Qhia qhuas txog lub tsev teev Ntuj Sagrada Familia tias yog thawj yam hauj lwm xuas tes tsim thiab yog qhov muaj zog hauv kev tshaj lub Moo Zoo. Nws hais tias kev txhim yam tab tom ua yog lub cim ntawm cov neeg ntseeg kev mus kev, thiab kev sib koom ua Tswv Ntuj cov hauj lwm.
