Vaj Qhia Leo 14 xa txhiam xws noj mus rau cov yim neeg nyob hauv lub nroog Kharkiv, nyob Us Khas Zis Nas teb

Vaj Qhia Leo 14 cov hauj lwm yuav tsis khiav qeeb nyob hauv lub caij ntuj sov, thiab cov hauj lwm ua pab neeg yuav tsis tas li ntawd.

Lub caij Vaj Qhia Leo 14 mus so nyob hauv lub tsev Gandolfo, mas tsis xam nrog kev sib koom tes ua hauj lwm rau tsoom pej xeem thiab kev npau suav uas tab tom raug rhuav tshem los ntawm tsov rog. Kev pab txhiam xws noj no yog Vaj Qhia lub Koom Haum faib txhiam xws ua tus xa mus. Vaj Qhia tau xa txhiam xws noj mus rau tsoom pej xeem nyob hauv qee thaj tsam hauv lub nroog Kharkiv uas nyob Us Khas Zis Nas teb. Yog lub nroog uas nyuam qhuav raug kev piam sij los ntawm hoob pob hluav taws thiab raug Drone tua nyob hauv ob peb hnub dhau los no.      

Lub tsheb uas thauj txhiam xws noj, kas poom ntses, roj, nqaij thiab ntses Tuna. Tau tawm hauv lub tsev teev Ntuj hwm Leej Ntshiab Xos Fias nyob Los Mas txij xyoo 2022 los lawm. Tam sim no rais ua qhov chaw nruab nrab ntawm kev sib koom mus thoob txhua lub nroog nyob Us Khas Zis Nas sab hnub tuaj, uas tab tom raug kev tshaib nqhis thiab kev txom nyem. Cov txhiam xws uas xa mus ntawd, muaj txhua yam toob xib puaj yam uas cheem tsum siv. Lub hom phiaj yog xa mus rau lub zos Staryi Saltiv thiab lub nroog Shevchenkove. 

Ob qho chaw no yog nyob hauv thaj tsam Kharkiv.  

Tas txhua yam toob xib thiab txhiam xws noj, yog xa ncaj qha mus pab rau cov yim neeg uas dim siav ciaj los ntawm Drone tua. Tsis tas yuav thov lus tso cai los yog raug faib los ntawm lwm pab neeg uas pab cuam.