Vaj Qhia pw kho mob nyob hauv tsev kho mob, nws thov kom cov thawj coj pab kev ntseeg ua hauj lwm tsis txhob xav txog tus kheej. Yog lub caij cov neeg ntau txhiab leej tuaj sib koom ua thaj txi Ntuj tsuj xeeb
Hnub Chiv dhau los no, nyob hauv lub tsev teev Ntuj hwm Leej Ntshiab Pob Zeb muaj kev thov Ntuj. Tswv Qhia Rino Fisichella nthuav cov lus uas Vaj Qhia npaj tseg rau 4,000 tus neeg uas tuaj sib koom ua thaj txi Ntuj rau kev tsuj xeeb. Yog lub sij hawm uas Vaj Qhia tseem pw kho mob nyob hauv tsev kho mob.
Vaj Qhia cov lus yog txhib hais txog kev ua hauj lwm thiab kev sib zam uas tsis saib tus kheej loj dua. Txhib txog 3 yam ntawm kev ua tub txib hauv cov thawj coj. Vaj Qhia Fas Ntshis Kus piav tias : “Kev sib zam, kev ua tub txib uas tsis saib tus kheej loj dua thiab kev muaj lub Cim Yug.”
Kev sib zam yog qhov uas tsis muaj tsis tau nyob hauv cov neeg ntseeg txhua fab, thiab yog qhov teeb tseg hauv kev sib raug zoo ntawm txhua hom neeg.” Nov yog Vaj Qhia cov lus ntuas. Hauv cov kab ke tseem ceeb hnub tim 23 lub 2 hlis, muaj 23 tug txiv neej tuaj ntawm 8 lub teb chaws tuaj, lawv tau txais txoj hauj lwm ua cov thawj coj. Hauv kev sab laj ntawm cov teb chaws yuav hu txhua tus sawv cev nyob thoob ntiaj teb tuaj. Is Tas Lias teb xa cov neeg sawv cev coob tshaj. Txuas los yog cov thawj coj 1,300 leej tuaj ntawm As Mes Lis Kas teb tuaj. 600 leej yog tuaj ntawm Fab Kis teb tuaj thiab ib txhia yog tuaj ntawm lwm cov teb chaws tuaj.
