Vas Tis Kas thov kom tas ntiaj tso tseg kev siv cov tub zog me nyuam, kom tau txuag lawv lub meej mom

Vas Tis Kas rov hais txog kev muab siab rau txog kev siv cov tub zog me nyuam yaus thiab pab txuag cov me nyuam kom muaj meej mom thiab kev txhim kho.

Vas Tis Kas News tshaj tawm txog Tswv Qhia Gabriele Caccia cov lus, uas nws hais hnub tim 13 lub 5 hlis. Hauv cov lus sib tham sib teb hais txog “On Childhood With Dignity : tso tseg kev siv me nyuam yaus ua hauj lwm hauv txhua fab, kev sau tub rog thiab kev siv me nyuam yaus mus tua rog.”

Hauv kev sib tham yog muab Vaj Qhia LEO 13 cov lus Rerum Novarum uas nws hais nyob hauv xyoo 1891 los hais, nws hais tias : “Vim tej huab cua phem thiaj ua rau cov paj tawg hauv lub caij nplooj ntoos hlav tawg tsis taus. Vim li cas kev ua hauj lwm hnyav hauv lub neej, yuav rhuav tshem tas me nyuam yaus tej kev cia siab. Hais txog me nyuam yaus lub peev xwm thiab ua rau lawv poob kev kawm.”

Vim 1 tug me nyuam nyob hauv 10 leej thoob ntiaj teb, tseem poob nyob hauv tej kev quab yuam saib tsis taus. Nws thiaj hais tias yog cheem tsum uas yuav tsum ua kom sai nyob hauv txhua lub teb chaws. Tswv Qhia rau txim txog kev xaiv thiab kev siv me nyuam yaus hauv kev siv riam phom sib ntaus sib tua. “Kev hla lub meej mom kev ua neeg, nws tshwm sim nyob hauv cov me nyuam yaus coob kawg.” Thiab yog kev hla tib neeg txoj kev ncaj ncees ntawm cov me nyuam. Dhau nov lawm, nws tseem hais txog lwm yam kev hla txoj cai nrog rau kev quab yuam sib yuav thiab kev ua niam ntiav.