ZAJ NYEEM HNUB TIM 21 LUB 12 HLIS 2025
HNUB CHIV, LIS PIAM 4 CAIJ TOS HUAB TAIS
COV LUS NYOB HAUV MAS TAIS NTAWV MOO ZOO (MT 1: 18-24)
Kwv tij zoo nyiam sawv daws, hnub no yog hnub chiv lis piam 4 lawm. 2-3 hnub yav tom ntej peb yuav ua hmoov tsuj xeeb Yes Xus yug los lawm. Peb zoo siab tos txais nws. Li ntawd, hnub no yog ib hnub uas kuv xav caw peb sawv daws mloog Tswv Ntuj Lo Lus thiab coj mus twm txog hauv yus lub neej.
Hauv lub Moo Zoo peb hnov ib zaj uas hais txog Leej Ntshiab Yos Xes, Mab Liab tus txiv. Ntawv Ntshiab hais meej tias Yos Xes yog ib tug neeg ncaj ncees. Tswv Ntuj siv nws kom pab Mab Liab npaj qhov chaws tos txais tus me nyuam yuav yug los. Yos Xes yuav tsum saib xyuas Mab Liab kom zoo, ces thiaj tsis muaj teeb meem dab tsi ntawm tus me nyuam nyob Mab Liab plab. Thawj zaus, Yos Xes tsis xav yuav Mab Liab lawm, tiam sis, Tswv Ntuj thov nws kom pab, nws thiaj ua raws Tswv Ntuj lub siab xav.
Cov kwv tij, peb kawm dab tsi hauv zaj no. yam tim ib mas, Yos Xes tsis to taub yam uas tab tom tshwm sim no yog dab tsi. Qhov no uas nws nyuaj siab kawg vim tias tus me nyuam nyob hauv Mab Liab lub plab tsis yog nws tug. Tiam sis, nws tso siab rau Tswv Ntuj. Nws thiaj li kam ua raws li Tswv Ntuj lub siab nyiam.
Yam tim ob, txawm tias Yos Xes tsis to taub tag nrho los txhua yam uas tshwm sim tuaj, nws muaj kev khuv leej ntawm Mab Liab. Nws hlub Mab Liab, tsis yog ntxub nws. Cov kwj tij, nov yog lo lus tseem ceeb tshaj plaws. Kev nyiam kev hlub, kev khuv leej luag lwm tus yog lo lus tseem ceeb ntawm Christmas.
Yam tim peb, Yos Xes mloog Tswv Ntuj Lo Lus, nws hloov siab thiab ua raws li Tswv Ntuj hais. Yog peb mloog Tswv Ntuj kom zoo lawm, ces peb yuav tsum hloov peb lub siab ua neej kom ncaj. Ua lub neej raws li Tswv Ntuj lub siab nyiam. Peb yuav tsum mloog kom zoo xwb, peb thiaj hnov tau Tswv Ntuj lo lus hais rau peb tshwj xeeb mas yog lub caij Tos Huab Tais no. peb yuav tsum npaj peb lub siab kom zoo tos txais Huab Tais Yes Xus.
Thov kom Yos Xes tus piv txwv pab peb kom npaj yus lub neej raws li nws mog.
