Hnub Rau tim 21 lub 2 hlis.
Ntau zaus uas peb xav pab peb tus kheej thiab vim txoj kev tawv ncauj, peb thiaj ua kom peb lub neej ntxhov. Kev pab tus kheej yog hais txog kev daws teeb meem thiab txhua yam kev nyuab ntawm peb yam tsis vam txog Tswv Ntuj. Peb xav tias kev ntseeg yog yam tsis tuaj yeem pab tau peb tas txhua yam hauv lub neej. Tab sis qhov tseeb tiag, thaum peb lub neej ntsib ntau tsav ntau yam, mas peb yuav pom tias peb nyob ib leeg twm zeej thiab raug tso pov tseg. Txawm li cas kuj xij, nyob hauv tsab ntawv Moo Zoo hnub no, Yes Xus qhia peb tias tus yawm sij tseem ceeb hauv kev nkag siab, yog peb yuav kwv peb tus ntoo cuam xws li Yes Xus. Koj yog neeg ntseeg, ces thaum koj kwv koj tus ntoo cuam raws Yes Xus qab, mas tsis yog koj mus ib leeg twm zeej. Koj yog neeg ntseeg, koj yuav cia siab tias Yes Xus tuaj yeem pab koj tau. Thiab Yes Xus paub tias yuav ua li cas thaum txhua yam ntawm koj kawg kev lawm. Hauv kev nqis tes ua, Yes Xus caw kom peb tso siab thiab muab peb tus kheej tso nyob hauv txoj kev tso siab rau Yes Xus.
