ZAJ NYEEM HNUB TIM 26 LUB 8 HLI 2025
HNUB PEB, LIS PIAM 21 LUB CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 23: 23-26)
Kwv tij sawv daws, nyob rau hauv zaj no, Huab Tais Yes Xus tsis tau cem cov Kws Ntawv Ntshiab thiab cov Fas Lis Xais txog qhov lawv cev cov txim txi Ntuj ib feem kaum nyob rau hauv lawv, tab sis Huab Tais Yes Xus cem qhov lawv ua tsis yog, lawv ua zoo sab nraud xwb, yam li kev ntxuav tej twj taig sab nraud kom huv, yog qhov uas neeg qhov muag ntsia pom.
Huab Tais Yes Xus cem tias lawv yog neeg siab nkhaus, lawv ua zoo sab nraud vim lawv coj tsis ncaj, thiab lawv tsis txawj hlub luag tej, lawv tsis ncaj rau Ntuj, lawv tseem muab lub nra hnyav rau tsoom pej xeem ris, lawv tsis txawj hlub thiab khuv leej cov neeg pluag, cov neeg txom nyem.
Li ntawd, qhov tseem ceeb nyob rau hauv zaj no, yog Huab Tais Yes Xus xav qhia kom peb txawj coj ncaj rau Tswv Ntuj thiab txawj sib nyiam sib hlub tiag tiag.
Nyob zoo sawv daws.
