Zaj nyeem hnub tim 5 lub 3 hlis 2026
Hnub Tsib, Lis Piam 2 caij Plaub Caug
Cov lus nyob hauv Lus Kas Ntawv Moo Zoo (LK 16: 19-31)
Kwv tij sawv daws, nyob rau hauv zaj no Huab Tais Yes Xus hais txog neeg zoo sab nraud, los yog neeg ntsej muag zoo, tiam sis lub siab nkhaus. Lo lus no peb keev hnov Huab Tais Yes Xus muab piv rau cov Fas Lis Xais. Vim nyob rau ntawm Tswv Ntuj, mas nws tsis xaiv tus neeg uas nws lub ntsej muag zoo nkauj zoo nraug, los yog tus neeg uas noj zoo hnav zoo, tiam sis, Tswv Ntuj ntsia sab hauv neeg lub siab, nws xaiv tus neeg siab zoo, uas txawj pub rau luag.
Nyob rau hauv zaj no Tswv Ntuj tsis tau ntsia tias, kev uas tus nplua nuj ntawd muaj nyiaj muaj txiaj nplua nuj thiab noj haus ib roj qav loj loj hauv nws lub tsev yog kev txhaum, tab sis, thaum Tswv Ntuj tsom hauv nws lub siab, Tswv Ntuj pom hais tias, nyob rau hauv nws txoj kev nplua nuj, muaj noj muaj haus, nws tsis quav ntsej tus neeg txom nyem uas nyob ntawm nws taw rooj. Tswv Ntuj lub suab ntuas tawm ntawm Yes Les Mias lub ncauj los, nws hais tias, leej twg tso siab rau Tswv Ntuj nws yuav tau ntuj lub txiaj ntsim, vim Tswv Ntuj yog nws qhov chaw cia siab. Huab Tais tsom hauv neeg nruab siab, nws pub rau neeg raws li neeg tus yam ntxwv.
Nyob zoo sawv daws.
