Zaj nyeem hnub tim 7 lub 4 hlis 2026 (Hnub Peb, Thawj lub Lis Piam hauv lub caij Hla)

Zaj nyeem hnub tim 7 lub 4 hlis 2026

Hnub Peb, Thawj lub Lis Piam hauv lub caij Hla

Cov lus nyob hauv Zam Ntawv Moo Zoo (Z 20: 11-18)

Peb tib zoo xav txog cov lus uas Huab Tais Yes Xus hais rau Mab Liab Mas Ntas Las mas peb yuav pom tias, muaj 3 lo lus tseem ceeb uas Huab Tais xav qhia rau lub qab ntuj neeg paub. 

1. Yes Xus hais rau Mab Liab Mas Ntas Las tias, koj mus cuag kuv cov kwv tij, (Yes Xus cov kwj tij yog nws txhua leej thwj tim.)

2. Kuv nce mus cuag kuv txiv thiab nej txiv, (Huab Tais hais tseeb tias, Huab Tais Leej Txiv nyem no yog cov thwj tim sawv daws txiv, los yog peb tsoom ntseeg sawv daws leej txiv.)

3. Mus cuag kuv tus Tswv Ntuj thiab nej tus Tswv Ntuj, (Huab Tais tus Tswv Ntuj uas thaum nws yuav tu siav nws hu ua Es Lis..Es Lis, nyem no kuj yog cov thwj tim sawv daws tus Tswv Ntuj thiab.) tas nrho 3 nqe lus no nyob rau hauv Huab Tais lub Moo Zoo uas thaum nws sawv rov los nyob rau ntawm lub qhov ntxa, nws hais rau Mab Liab Mas Ntas Las. 

No yog lub txiv ntawm kev sawv rov los, uas muaj nuj nqis tshaj plaws rau peb tsoom ntseeg sawv daws. qhia tau tias, nyem no peb tau koom ua ib tug nyob hauv Huab Tais Yes Xus Pleev lawm tiag tiag. Nyob zoo.