Cov Kav Tos Liv nyob Bangkok sib koom thov Ntuj pub kev thaj yeeb nyob thoob ntiaj teb, tom qab Vaj Qhia thov kom txo riam phom.
Cov Kav Tos Liv nyob Bangkok sib koom thov Ntuj pub kev thaj yeeb nyob thoob ntiaj teb, tom qab Vaj Qhia thov kom txo riam phom.
Cov neeg ntseeg Kav tos Liv nyob Los Mas thiab cov nyob Bangkok sib koom thov Ntuj pub kev thaj yeeb mus thoob ntiaj teb. Tom qab Vaj Qhia Leo 14 qhua hu kom cov neeg ntseeg thov Ntuj rau kev txo riam phom, los yog tso tseg riam phom.
Hauv cov xwm txheej kaw nruab ntug thiab kev kub ntxhov heev zuj zus nyob As Xias sab hnub poob los tau 2 lis piam. Vaj Qhia nthuav nws txoj kev xav hauv kev thov Ntuj lub 3 hlis, yog qhua hu kom cov neeg ntseeg Kav Tos Liv nyob thoob ntiaj teb sib koom thov Ntuj rau ‘kev txo riam phom thiab kev thaj yeeb.’
Vaj Qhia hais tias : “Kev kub ntxhov los ntawm hoob pob Nuclear, nws tsis teem caij rau ib tsoom neeg ntxiv mus.” Vaj Qhia cov lus nqua hu rais ua qhov ruaj khov hauv fab ntsuj plig ntawm kev thov Ntuj nyob tas qhov txhia chaw thoob ntiaj teb. Yog lub caij cov neeg ntseeg Kav Tos Liv yuav sib koom thov Ntuj pub kev thaj yeeb thiab tso tseg tej kev phem. Kom tau teb tej kev taij thov nyob thoob ntiaj teb, mas lub Cheeb Koom Txoos Bangkok thiaj teem lub caij ntshiab rau kev thaj yeeb nyob hauv hnub 6 tim 6 lub 3 hlis, hauv lub tsev teev Ntuj hwm Leej Ntshiab Zam.
Muaj cov tuaj koom lub thaj txi Ntuj nyob hauv tsev teev Ntuj, thiab muaj ib txhia yog koom nyob hauv lub tshaj xyam (TV), uas yog lub Koom Haum xov xwm zej zog Kav Tos Liv nyob Thaib teb tso tawm.
