Hmoob ua koob tsheej nco txog tej kab lis kev cai hauv hnub July 4, nyob nroog Saint Paul. Yog ua rau hnub tim 27-28 lub 6 hli.

Yog ib lub koob tsheej hauv tej kab lis kev cai loj tshaj ntawm cov Hmoob nyob As Mes Lis Kas, uas yuav rov ua nyob hauv lub nroog Saint Paul. Yog lub koob tsheej ntawm cov Hmoob As Mes Lis Kas zaum tim 44. Xav tias lub koob tsheej no yuav muaj neeg tuaj koom coob tshaj 55,000 leej nyob hauv lub lis piam tim 27-28 lub 6 hli no.

Lub koob tsheej no npaj muaj txhua txhua xyoo los ntawm United Hmong Family thiab lub Koom Haum tsis nrhiav paj nyob Minnesota, uas ua hauj lwm fab kev txuag thiab txhawb nqa Hmoob tej kab lis kev cai. Lub koob tsheej no yog npaj los txuag Hmoob tej txuj, kev nrog ib tsoom neeg sib fim thiab kev muaj feem cuam ntawm cov tub ntxhais hluas. Cov lus no yog cov kav xwm npaj lub koob tsheej ua tus hais.

Hnub Chiv tus thawj tswj cov kav xwm hu ua Mee Vang thiab tus thawj coj Canong Moua tau tuaj ntawm KARE 11, kom tau txhawb nqa txog tej yam yuav ua nyob hauv lub koob tsheej. Lub koob tsheej no muaj kab lis kev cai, muaj zaub mov hmoob raws txheej thaud thiab txheej tshiab, muaj kiab khw muag toob xib puaj yam, kev lom zem hauv tsev neeg thiab kev sib tw ncaws pob. Cov npaj lub koob tsheej hais tias ; lawv xav tias yuav muaj cov neeg muag toob xib ze ntawm 114 tswv, thiab cov tub ncaws pob coob tshaj 120 pab nyob thoob lub teb chaws tuaj sib tw. Mee Vang hais tias : “Txhua pab yuav muaj kev sib tw ntaus pob, ncaws pob thiab sib tw lwm yam. Xyoo no tau txhab kev sib tw ntaus pob cov hluas, ces muaj cov hluas tuaj sib tw ntaus pob li ntawm 59 pab. Lub koob tsheej no yog kev ua tawm txog dej siab ntawm cov tub ntaus pob thiab ncaws pob, kev sib koom nrog zej zog thiab kev sib koom hauv tej kab lis kev cai. Tab sis xyoo no Metro Surge yog qhov yuav ua kom zej zog nce theem thiab kev lag luam nyob Minnesota vam meej.”