Kev txuag lub siab hauv tiam neeg Digital (Protecting the Developing Mind in a Digital Age)

Kev txuag lub siab hauv tiam neeg Digital: kev cheem tsum hauv ntiaj teb txoj cai. (Protecting the Developing Mind in a Digital Age)

Hnub no kuv yuav los tham txog kev tshawb fawb uas yog hais txog tej teeb meem tshwm sim hauv kev siv xov tooj ntawm cov neeg txheej tshiab. Kuv xav xaus cov lus hauv kev tshawb fawb no, kom pab cov neeg mloog nco tias kev siv xov tooj tuaj yeem nkag tau mus hauv Social Media thiab ntau yam uas tsis haum rau cov tub ntxhais hluas. Kev siv xov tooj muaj ntau txhab ntxiv thiab Social Media muaj nyob thoob ntiaj teb, nws hloov cov me nyuam thiab cov hluas tus yam ntxwv ntau kawg.

Cov lus no muab los ntawm Global Mind Project, kom tau paub txog teeb meem ntawm ib tsoom neeg siv xov tooj thaum tseem yau lub cev ntaj ntsug thiab kev nyob thaum loj hlob tuaj lawm. Kev soj ntsuam ntawm peb ua kom pom tias kev siv xov tooj ua ntej hnub nyoog 13 xyoos, yuav ua rau lub cev ntaj ntsug thiab siab ntsws tsis zoo rau thaum lawv hlob tuaj. Feem ntau yog cov ntxhais hluas uas lawv nyiam rov muab tus kheej tua. Kev dim ntawm qhov tseeb, kev kav tus kheej txoj kev npau taws thiab qhov muaj nqis tawm tus kheej poob qis. Tej kev sib txuas nrog tej no muaj ntau yam ua piv txwv, xws li kev nkag mus hauv Social Media, kev raug ntxias dag, kev pw tsis tsaug zog thiab tsis muaj kev nrog tsev neeg sib fim zoo. Tej yam uas hais no tshwm sim nyob thoob ntiaj teb. Feem ntau uas pom yog nyob hauv teb chaws Aas Kiv.

Raws kev soj ntsuam no, peb xav txhawb kom muaj kev tiv thaiv ua ntej yuav muab los siv. Peb yuav qhia txoj cai uas tsim nyog hauv kev txhim kho thiab kav tas zej zog. Ib yam li tej kev uas peb txwv tsis pub haus dej haus cawv thiab haus luam yeeb. Yuav tsum teeb txog kev siv xov tooj thiab kev saib Social Media ntawm cov me nyuam uas hnub nyoog qis tshaj 13 xyoos. Qhia kom paub thiab nkag siab txog Digital, kom cov me nyuam lub siab ntsws txhob piam thiab paub txog kev tau zoo nyob. Nws yog lub hauv paus ntawm lub peev xwm thiab kev ua hauj lwm kom tib neeg vam meej txheej dhau txheej.

Txij xyoo 2000 los, xov tooj yog lub qhov rooj mus txog txhua yam nyob ib puag ncig hauv Digital uas yog AI lub tswv yim tsim tawm. Rais ua qhov chaw tib neeg nyiam ntawm cov me nyuam thiab cov hluas sai kawg, lawv kawm kom paub thiab hloov tus kheej tus yam ntxwv. Vim nws yog txoj kev tshiab uas nkag mus txog tej phooj ywg, txog cov ntsiab lus thiab kev lom zem. Txawm li cas kuj xij, dhau ntawm tej caij nyoog no lawm. Algorithm tej kev paub uas zais nyob hauv platform Social Media tseem nthuav cov ntsiab lus uas feem ntau tsis raug txwv, kom cov neeg siv muaj feem cuam txog. Nws yuav ua teeb meem rau kev txhim kho, xws li kev sib raug zoo uas pom ntsej pom muag thiab kev pw ua ke. Tsis tas li ntawd yuav ua rau cov me nyuam pom lub ntuj Digital loj dav thiab yog qhov txaus ntshai, nws tsis haum rau kev txhim kho.

Xws li tej xov xwm sib deev, duab liab qab, tej lus tsis zoo thiab lub tswv yim mus deb. Tej yam uas yog kev ua hauj lwm ntawm AI no, nws yuav ua rau lub peev xwm ntawm cov me nyuam rhuav tshem kev ywj pheej thiab txo lub peev xwm hauv kev txiav txim siab. Tab txawm txhua qhov platform txoj cai teeb tseg tias cov siv xov tooj yuav tsum tsis qis dua 13 xyoos, tsis kav cov lus teeb tseg no tsis raug siv hauv txhua lub teb chaws. Ces cov neeg hnub nyoog qis dua 13 xyoos feem coob tuaj yeem nkag txog cov platform no tau thoob ntiaj teb. Cov me nyuam feem coob lawv xub muaj xov tooj siv ua ntej lawv yuav mus kawm nyob hauv qib nrab, thiab lawv siv sij hawm feem ntau nyob nrog tej yam hauv platform uas lawv muaj.

Txhua yam nyob ib puag ncig hauv Digital ntawm cov me nyuam, yog nyob hauv lub xov tooj. Nws zoo li lub qhov rooj tawm mus rau lub ntiaj teb sab nraud, uas tsis muaj neeg saib xyuas tsis muaj neeg txwv. Tab tom pauv yam ntuj tsim hauv kev ywj pheej ntawm cov me nyuam thiab cov hluas. Ua kom muaj lo lus nug hais txog teeb meem hauv neeg lub siab, lub peev xwm thiab kev ua hauj lwm ntawm lub paj hlwb.

Kev tshawb fawb pom tias tej teeb meem uas raug hauv lub sij hawm saib xov tooj thiab Social Media, nws yuav ua teeb meem rau cov me nyuam tej siab ntsws. Ua kom muaj qhov tsis zoo nyob hauv ntau yam, tab sis kuj muaj ntau yam uas tsis sib haum thiab. Kev soj ntsuam uas sib txawv los ntawm poj niam thiab txiv neej, hauv kev lag luam thiab zej zog kev ua lub neej. Qhov sib txawv tiag tiag yog ntsuam xyuas hauv lub siab ntsws.

Cov teb chaws uas teeb Social Media raws lub hnub nyoog, yog txhawb nqa kev tsis siv xov tooj rau Social Media thiab cov tsev kawm ntawv yuav tsum muab lwm txoj cai sib txawv los siv. Vim kev txhawb nqa tej lus sib cav no, thiaj muaj ib lo lus nug tseem ceeb ntawm tsoom pej xeem. Yog lo lus tias teeb meem ntawm kev siv xov tooj thaum tseem yau, thaum loj hlob tuaj lawm lawv lub siab ntsws yuav muaj tus yam ntxwv zoo li cas ?

Qhov uas kev tshawb fawb pom meej, yog cov siv xov tooj uas hnub nyoog qis dua 13 xyoos, lawv lub siab ntsws thiab kev nyob noj yuav poob qis zuj zus. Ces pom tau tias kev siv xov tooj yog qhov teeb meem uas neeg kheev kheev raug ntau tshaj. Cov neeg tau txais kev kub ntxhov yog cov hnub nyoog 18 txog 24 xyoos, hauv lub caij tus kab mob COVID-19 sib kis. Ua rau muaj tej tus neeg xav muab tus kheej tua, ua neeg tawv ncauj tsis mloog lus, txoj kev xav txawv qhov qub thiab pom tej yam txawv txawv. Tej kev txhawj xeeb no tsis tuaj yeem daws tau hauv kev txiav txim siab ib leeg. Cov niam cov twg uas lawv txwv kev saib xov tooj thiab Social Media ntawm cov me nyuam uas muaj phooj ywg coob, yuav muaj ob yam rau lawv xaiv.

Yog kev txuag tej me nyuam thiab txwv kev nrog zej zog sib fim. Qhov no kuj ua rau muaj kev tawm tsam heev kawg. Cov me nyuam uas raug txwv los ntawm kev siv xov tooj thiab Social Media nyob hauv tsev, kuj ua rau lawv tsis mloog lus thiab cais phooj ywg. Nws kheev kheev ua tawm txog kev dag thiab tej yam tsis zoo nyob hauv tsev kawm ntawv.

Li ntawd, peb thiaj muab txoj cai no los hais ua ntu zus raws li qhov mus tau.

1 – Teeb kom muaj kev kawm hais txog kev paub ntawm Digital thiab lub siab ntsws.

2 – Qhia kev hla lub hnub nyoog hauv Social Media tiag tiag, thiab lees txais qhov tau los ntawm Technology. Lub Koom Haum Technology yuav lees paub txog kev siv thiab soj ntsuam txog lub hnub nyoog, thiab rau txim tiag tiag txog qhov tsis ua raws.

3 – Teeb txoj cai nkag mus hauv platform Social Media, tsim nyog yuav txwv cov me nyuam hnub nyoog qis dua 13 xyoos txhob pub nkag mus hauv cov platform Social Media thiab txhua yam uas txuas nrog Internet.

4 – Maj mam txwv kev nkag mus hauv xov tooj raws li qhov ua tau.

Tsim nyog yuav txwv cov me nyuam hnub nyoog qis dua 13 xyoos, txhob pub siv xov tooj rau Social Media. Vim muaj lwm txoj kev siv xov tooj kom muaj txiaj ntsim qab hau uas tsis yog siv Social Media los yog cov ntsiab lus uas yog AI tsim tawm. 

Kwv tij Hmoob sawv daws ! Hnub no peb tham txog kev siv xov tooj ntawm txheej neeg Digital los xaus li no xwb. Thov kom nej paub tias kev saib xov tooj thaum yau yau, nws yuav ua teeb meem rau cov me nyuam thaum lawv loj hlob tuaj. Raws kev tshawb fawb pom tias ; cov me nyuam uas tsim nyog cia lawv kov xov tooj, mas yuav tsum muaj 13 xyoos rov saud. Li ntawd, thov nej muab siab rau thiab xav txog kev muab xov tooj rau cov me nyuam kov. Vim cov me nyuam txheej tshiab nyem no feem ntau yog me nyuam xov tooj. Peb tsuas xav tias muab xov tooj rau me nyuam saib, kom me nyuam txhob quaj thiab txhob txob peb, ces peb thiaj tau tes ua lwm yam. Tab sis peb tsis paub tias kev saib xov tooj ntau ntau, nws yuav ua teeb meem rau cov me nyuam thaum lawv loj hlob tuaj. Nej yuav xyuam xim thiab nrog xav kom zoo txog kev siv xov tooj ntawm cov me nyuam.

Hnub no peb ntsib nej li no xwb ! Thov Huab Tais Yes Xus Pleev lub txiaj ntsim nrog nej nyob, ua nej siab kaj lug. Lwm zaus peb mam sib ntsib dua, nyob zoo nej sawv daws !