Lub tsev kho mob hais meej tias Vaj Qhia tus mob zoo zuj zus.
Xov xwm Vas Tis Kas tshaj tias : Vaj Qhia tus mob zoo zuj zus lawm. Tab sis yuav tsum siv sij hawm li ob peb hnub ntxiv, kom paub tias puas zoo tiag, ua ntej yuav rov soj ntsuam dua. Hnub tsib tag los no, xov xwm Vas Tis Kas tshaj tias Vaj Qhia tseem pw kho mob nyob hauv lub tsev kho mob Gemelli uas nyob Los Mas. Vaj Qhia pib mus kho mob hnub tim 14 lub 2 hlis, vim nws txoj hlab plawv tsis zoo.
Raws li kev tshaj tawm, mas Vaj Qhia dhau qhov sab sab lawm. Tab sis nws tus mob tseem muaj ntau yam uas cov kws tshuaj yuav tsum rov soj ntsuam dua kom zoo.
Vas Tis Kas tshaj rau ib zeej tsoom tias : Vaj Qhia tau zoo pw, nws sawv taus saum txaj thiab zaum rau cov kws kho mob kho nws nyob ntawm nws lub rooj zaum. Thiab pom tias Vaj Qhia tus mob zoo tuaj lawm ntau.
