Bengaluru : muaj 6 pab poj niam sib sau los hais txog cov tub ntxhais hluas uas lawv poob nyob hauv txoj kev kub ntxhov.
Bengaluru : muaj 6 pab poj niam sib sau los hais txog cov tub ntxhais hluas uas lawv poob nyob hauv txoj kev kub ntxhov.
Cov hauj lwm no yog pib los ntawm Sisters Led Youth Initiatives, muab lub sij hawm tshiab rau cov tub ntxhais hluas 1,200 leej uas lawv poob nyob hauv txoj kev kub ntxhov. Tshwj xeeb yog hais txog cov poj niam thiab pib ntawm kev lees txais lawv txoj cai.
Cov Leej Phauj coj cai nyob hauv txhua qhov chaw tau sib koom tes, kom tau pub lub sij hawm tshiab rau cov tub ntxhais hluas ntau pua leej uas lawv poob nyob hauv txoj kev txom nyem nyob Bangalore, hauv lub xeev Karnataka nyob Is Ntias teb. Yog hais txog cov ntxhais hluas lub neej yav tom ntej thiab txoj cai pov hwm lawv.
Cov hauj lwm hauv Sisters Led Youth Initiatives (SLDY), pib los tau ntau lub hlis no lawm. Leej Phauj Nirmalini uas nws yog tus thawj coj ntawm Apostolic Carmel thiab yog tus thawj tswj lub rooj sab laj Women Religious of India (CRWI) hais tias : “Xyoo 2025, lawv yuav pib tuav xam thiab npaj txhawb nqa 1,200 tus tub ntxhais hluas nyob hauv Benguluru. Ua kom muaj kev pauv ntxeev los rau lawv lub cuab yim neej uas yog hais txog kho kev nyob noj ntawm lawv kom zoo tuaj.”
Thawj lub hom phiaj ntawm SLDY, yog txhawb nqa cov tub ntxhais hluas uas lawv lub neej tsis ruaj khov thiab tsis muaj lub caij xyaum hauj lwm, kom lawv muaj hauj lwm ua. Muaj cov tub ntxhais hluas li ntawm 600 leej tau mus kawm thiab xyaum hauj lwm nyob 6 qhov chaw uas yog cov Leej Phauj Kav Tos Liv ua tus thawj coj. Muaj kwv yees 300 tus tub ntxhais hluas uas lawv kawm tiav thiab tam sim no lawv ua hauj lwm nyob hauv tej zej zog.
