Cov tub xov xwm txheej tshiab neeg Fis Lis Pees nrog cov thawj coj lub Koom Txoos As Xias sib tw nyob hauv kev tshaj lub Moo Zoo Online.

Gethsemani Cindy Gorospe tus txuas lus fab kev tshaj xo hauv zej zog ntawm Radio Veritas Asia, tau hais txog qhov tau los thiab cov hauj lwm yav tom ntej hauv kev sab laj txog cov tshaj lub Moo Zoo Kav Tos Liv Online nyob As Xias teb thawj zaug, hauv hnub tim 29 lub 10 hli, hauv kev sau siab nruab xyoos ntawm FABC lub Koom Haum xa xov hauv zej zog nyob Mas Kaus. Kev sau siab yog npaj nyob hauv hnub tim 27 txog 13 lub 10 hli nyob Saint Jose Villa. Tau sau tas cov Tswv Qhia, cov Txiv Plig thiab cov sawv cev fab kev tshaj xo nyob As Xias teb hauv lub ntsiab lus: “Magniffica Humanitas thiab kev tshaj lub Moo Zoo mus raws Synodal nyob As Xias, uas tshaj txog Leej Pleev hauv txheej neeg AI lub tswv yim tsim tawm.”

Gorospe yog tus coj pab kav xwm npaj lub rooj sau siab ntawm ACDMA, uas yog txij hnub tim 10 txog 13 lub 9 hlis ntawm RVA lub tuam tsev nyob Mas Nis Las. Muaj cov tub tshaj Ntuj Lus Online li ntawm 100 tawm leej, tuaj ntawm 17 lub teb chaws nyob As Xias teb tuaj sib koom ua ke. Hauv nws tej kev paub uas txhawb nqa cov neeg sau ntsiab lus txheej tshiab, nws tau hais txog qhov tsis tau ua ntawm cov tub tshaj Ntuj Lus Online thiab cov thawj coj cov tsev teev Ntuj nyob hauv zej zog. Nws hais txog qhov xav tau kev taw qhia fab ntsuj plig, kev txhawb nqa fab kev saib xyuas thiab kev tshaj lub Moo Zoo ntawm cov Tswv Qhia. Muaj kev nqua hu kom nrog lub Koom Txoos txhim kho. Gorospe hais tias : “Cov tsev teev Ntuj hauv zej zog thiab lub pwm tsav cov Tswv Qhia yuav tsum tsim cov neeg sau ntsiab lus kom raug cai, mloog lawv, nrog lawv tuav xam thiab pub chaw rau lawv ua hauj lwm.”

Nws tseem hais txog tej kev txhawj xeeb uas cov tub tshaj Ntuj Lus ntsib, nrog rau kev qaug zog fab ntsuj plig, kev nyob twm zeej thiab kev pheej hmoo kev tseev tsim hauv txhua yam nyob ib puag ncig. Kom tau daws cov teeb meem no, Gorospe thov kom muaj kev teeb tsa cov kav xwm FABC-OSC, thiab teeb cov program qhuab qhia uas kav tas cov txuj kev kev ntseeg, kev tsis muaj zog fab ntsuj plig, kev ntxim siab, kev tsim tawm thiab kev ua hauj lwm.

Thaum saib mus rau yav tom ntej txog cov tub ntxhais hluas hnub nyob ntiaj teb xyoo 2027 nyob Xes Us, hauv teb chaws Kos Lim. Nws txhib kom cov thawj coj lub Koom Txoos xav txog cov hluas txheej tshiab nyob Online, hauv kev ua phooj ywg tshaj lub Moo Zoo. Hauv nws cov lus xaus, Gosrope thov kom cov thawj coj lub Koom Txoos As Xias nqis tes ua tiag tiag. “Cov tub tshaj Ntuj Lus Online nyob As Xias tau tuaj sib sau ua ke, sib faib yam nyob hauv lawv nruab siab thiab rov hais txog cov lus cog uas tau hais txog Leej Pleev dua. Hauv kev ua ib tug coj ntawm kev tshaj lub Moo Zoo hauv lub Koom Txoos As Xias. Kauj ruam tom ntej ntawm peb hauv kev txhawb nqa kev tshaj lub Moo Zoo no yog dab tsi ?”