Khas Phus Chas npaj tawm txoj cai tshiab, kom tau ua qhov chaw tiv kev ntxias dag nyob Online tiag tiag.

Khas Phus Chas npaj tawm txoj cai tshiab, kom tau ua qhov chaw tiv kev ntxias dag nyob Online tiag tiag.

Kev ntes neeg tseem ua ntxiv mus. Yuav tsum ntes kom tau cov neeg ua txhaum ntau pua leej, ua ntej yuav txog lub 4 hlis raws txoj kab tuag teeb tseg. Cov tswv tsev uas muaj feem cuam txog kev ntxias dag yuav raug nplua hnyav.

Thaum Khas Phus Chas teb tab tom siv zog ua kom tau rhuav tshem cov Koom Haum ntxias neeg nyob Online, ua ntej yuav txog txoj kab tuag hauv lwm lub hlis.

Tus thawj pwm tsav Hun Manet tau tshaj txog txoj cai tshiab, yog txoj cai yuav rhuav tshem tej kev phem uas tsim kev kub ntxhov rau kev lag luam thiab lub teb chaws tawm mus kom tag.

Hauv txoj cai tshiab uas hais no, cov tswv cuab yeej cuab tam, cov tswv tsev, cov ntiav tsev rau cov neeg phem thiab cov nrhiav neeg los ua hauj lwm, mas tej zaum yuav raug lub txim loj. Yog tias lawv tej cuab tam los yog lawv tej vaj tse muaj feem cuam txog kev ntxias dag nyob hauv Online. Hun Manet hais tias : “Kev rhuav tshem tej kev phem no, yuav vam txog kev sib txuas lus thiab kev sib koom tes, tsis yog kev cuam hoob pob.” Nws hais ntxiv tias : “Lo lus tias ‘rhuav tshem’, yog hais txog kev caij tsuj. Tab sis nyob hauv no peb tab tom rhuav tshem thiab cheb ntxuav lawv kom tu noob. Kom peb lub teb chaws txhob tsuas tej kev ntxias dag hauv Online, uas ua teeb meem rau kev txhim kho kev lag luam thiab peb tej zej zog ntxiv mus.”

2 lub lis piam dhau los, cov tub ceev xwm tau ntes 416 tus neeg uas tuaj ntawm 10 tawm lub teb chaws tuaj. Lawv muaj feem cuam txog tej kev phem tsis ncaj ncees 21 yam. Cov neeg ntawd feem coob yog neeg Suav. Tseem muaj cov neeg Kos Lim Naj, thiab cov neeg Is Ntos Nes Xias koom nrog thiab.