“Kws kho mob tsis rau khau” Leej Phauj Eva Fidela Maamo lub cuab tam.
Leej Phauj Eva Fidela Eva Fidela Maamo uas nws yog ib tug kws phais mob thiab yog tim xyoob ntawm lub Koom Haum Leej Phauj St. Paul de Chartres. Nws yog neeg Fis Lis Pees. Nws tau phais neeg nyob hauv qhov chaw tsis muaj kem tsev phais neeg, tsis muaj dextrose thiab ntau zaus uas tsis muaj dua zaum ob.
Nyob hauv cov xyoo 1970, ib lub zos nyob nrug deb hauv lub hiav txwv Sebu nyob Fis Lis Pees qab teb. Nws tau phais dua neeg nyob saum lub rooj xuas xyoob ua. Nws siv cov roj txiv mov poj los cawm tus neeg mob txoj sia, vim tsev kho mob nyob nrug deb ntau teev yog mus ko taw, thiab yuav tau hla ntau tus dej.
Tab sis ntawm Leej Phau Eva, mas qhov txhawj dua ntawd tsis yog qhov yuav mus txog cov neeg mob tau li cas. Tab sis yog qhov tias yuav ua li cas kom muaj kev kho mob nyob ntev mus, yog tias nws ncaim qhov chaw ntawd mus lawm. Txoj kev xav li ntawd yog qhov yug nws txoj kev tshaj Ntuj Lus. Tiag tiag mas nws tsim nyog yuav yog tus kws kho mob uas raug xa mus hauv cov zej zog tsis muaj kws kho mob kom tau kho mob. Nws pib tsim lub tsev ‘kws kho mob tsis rau khau’ nyob hauv zej zog, uas yog qhov chaw rau cov tub ntxhais xyaum kho txhua yam mob thiab pab saib xyuas.
‘kws kho mob tsis rau khau’ tsis yog cov kws kho mob zim txwv no. Leej Phauj Eva hais tias : “Tab sis lawv tau txais kev xyaum kom kho txhua yam mob.”
Nyob ntawm ntug hiav txwv Sebu, nws tau qhia thawj pab 17 leej. Yam uas lawv pib yog pib nyob hauv tej yam me me thiab maj mam loj hlob. Nyob hauv ntau xyoo dhau los, hauv xyoo 2005 nws tau nthuav cov hauj lwm mus rau Mas Nis Las thiab qhov kawg kuj muaj 274 tus kws kho mob tsis rau khau nyob hauv 110 lub zej zog thoob teb chaws ua nws cov hauj lwm txuas ntxiv. Nws cov hauj lwm tshwm sim nyob hauv ib lub zos twm zeej nyob Fis Lis Pees teb. Nyob ntawd kev kho mob yuav nyob nrug deb ntawm kev tsiv teb tsaws chaw tsis tau. Kev pab tsoom pej xeem ntawm Leej Phauj Eva tsis yog tias kho mob nkaus xwb, nws tseem yog hais txog tib neeg kev ncaj ncees thiab nyob nrog cov neeg zej zog.
Thaum lawv tsiv teb tsaws chaw, mas nws qhia cov thawj coj thiab pab txhawb nqa lawv lub meej mom nrog kev noj qab haus huv. Thaum sij hawm dhau mus cov neeg Aeta uas lawv tsiv teb tsaws chaw tau sib sau los ua ke. Tam sim no muaj kwv yees 146 yim neeg thiab muaj coob tshaj 500 leej. Lawv tseem ua lawv lub neej ntxiv mus. Cov hluas txheej tshiab coob leej tau txais lub Cim Ntxuav lawm. Nws yog qhia txog kev pauv ntxeev tsis yog los ntawm cov xwm txheej, tab sis yog kev ua lub neej hauv kev ntseeg ntawm lawv. Thaum sij hawm dhau mus, kev muab siab rau ntawm nws kuj tshwm sim meej tseeb zuj zus hauv nws txoj kev ua tus coj, hauv lub Koom Haum Our Lady of Peace Mission uas nws tsim nrog Txiv Plig James Reuter, SJ xyoo 1984. Kom tau txhawb nqa fab kev noj qab haus huv hauv zej zog thiab nthuav kev saib xyuas mus rau cov thaj tsam tsis muaj. Xyoo 1990 Leej Phauj Eva thiab Txiv Plig James tau mus As Mes Lis Kas teb kom tau txais kev txhawb nqa ntawm cov neeg siab zoo. Nws tau txais kev txhawb nqa los ntawm nws cov kwv tij uas lawv ua kws kho mob ib yam li nws. Lub tsev kho mob Our Lady of Peace Hospital, Paranaque uas nws txhim tsa xyoo 1992, qhov kawg yog loj hlob los ntawm kev muab siab rau. Ua kom kev saib xyuas raws txheej tshiab nkag mus txog ntau dua tuaj.
