Lub caij saib paj Cherry Blossom los yog paj xas kus lab nyob saum lub roob Fuji, raug kaw tseg.
Lub caij saib paj Cherry Blossom los yog paj xas kus lab nyob saum lub roob Fuji, raug kaw tseg.
Zis Pees teb hais tias ; cov neeg ncig tsham teb chaws tuaj puv nroog, yog los ntawm cov nyiaj yen poob nqis tab tom ua kev kub ntxhov rau tsoom pej xeem lub neej niaj hnub. Ces lub caij saib paj Cherry Blossom thiab tej yam zoo nkauj nyob saum lub roob Fuji, uas zoo nkauj zoo thau duab tso rau Instagram raug ncua tseg. Yog tom qab cov nyiaj yen poob nqis thiab cov neeg ncig tsham tuaj coob coob puv lub nroog, ces tsoom pej xeem thiaj thov kom muab kaw tseg.
Lub nroog Fujiyoshida, hauv lub xeev Yamanashi uas nyob nruab nrab hauv Zis Pees teb. Xyoo no tau ncua ntau lub lis piam tsis qhib rau 200,000 tus neeg tau mus saib paj, vim tsoom pej xeem lub neej tab tom raug ua kom ntxhov. Xyoo 2025 tsaib no, muaj cov neeg ncig tsham teb chaws li ntawm 42 plhom 700 txhiab leej tuaj mus rau Zis Pees teb. Yog tus zauv uas nce siab kawg thiab coob dua xyoo 2024.
Xyoo 2024, muaj cov neeg ncig tsham teb chaws tuaj li ntawm 37 plhom leej, vim nyiaj poob nqis yog qhov zoo rau cov neeg ncig tsham lub hom phiaj. Yog qhov lawv xav ua ua ntej tuag nyob ntawm thaj chaw no.
