Thaum Jakarta tab tom npaj ua tswv cuab tsa lub rooj sab laj loj zaum tim 12 ntawm cov Tswv Qhia As Xias los yog FABC, hauv hnub tim 20-26 lub 7 hli. Lub Cheeb Koom Txoos Jakarta yog tus piv txwv coj lub Koom Txoos cov hauj lwm hauv kev sib tham, kev ua hauj lwm thiab kev tuam coj txuas nrog kev sib raug zoo hauv lub teb chaws uas muaj cov Mawv Xis Lim coob tshaj nyob As Xias.
Lub Cheeb Koom Txoos Jakarta txhim tsa xyoo 1807, uas yog lub npe Cheeb Koom Txoos Batavia. Lub Cheeb Koom Txoos no tau loj hlob los ntawm cov tub tshaj Ntuj Lus thiab rais ua pab neeg ntseeg Kav Tos Liv tseem ceeb nyob Is Ntos Nes Xias teb. Raug tsa ua lub Cheeb Koom Txoos nyob hauv lub tuam ceeb xyoo 1961, thiab muaj cov hauj lwm tseem ceeb hauv kev tshaj lub Moo Zoo, kev kawm ntawv, kev kho mob thiab kev pab cuam zej zog. Ua ke ntawd kuj txhawb nqa kev sib tham nrog cov neeg muaj kev teev hawm thiab tej kab lis kev cai sib txawv.
Los ntawm Tswv Qhia Djajasepoetra, SJ. Tswv Qhia Soekoto, SJ. Tswv Qhia Darmaatmadja,SJ, thiab Tswv Qhia Suharyo Hardjoatmodjo uas yog tus Tswv Qhia zim txwv no kev coj. Cov tsev teev Ntuj hauv zej zog tau muab siab rau txhawb nqa kev ntseeg, kev muaj feem cuam hauv zej zog thiab kev sib koom tes ntawm cov kev teev hawm. Lub Cim tseem ceeb ntawm cov hauj lwm no, yog kev sib raug zoo ntawm lub tuam tsev teev Ntuj Jakarta thiab cov Islam lub tsev teev Ntuj Istiqlal uas nyob sib ze. Yog sib txuas ua ke hauv kev phooj ywg (Terowongan Silaturahmi). Tau rais ua lub Cim ntawm lub teb chaws kev thaj yeeb thiab kev sib haum xeeb hauv kev ntseeg. Lub Cheeb Koom Txoos raug ntiaj teb lees txais yog thaum Vaj Qhia Fas Ntshis Kus mus tsham Is Ntos Nes Xias teb xyoo 2024.
Xyoo ntawd Vaj Qhia nrog Mawv Xis Lim cov thawj coj sau yuas rau tsab ntawv cog lus nyob Istiqlal. Yog zeem tseeb txog kev saib xyuas ua ke txog lwm cov kev teev hawm, hauv kev txhawb nqa kev thaj yeeb, kev ua kwv ua tij thiab kev saib xyuas yam neeg tsim tawm.
Zim txwv no lub Cheeb Koom Txoos Jakarta saib xyuas ntau caum lub tsev teev Ntuj nyob Jakarta, nyob Bekasi thiab nyob Tangerang. Los ntawm cov Txiv Plig thiab cov neeg ntseeg kev ua hauj lwm ua ke, uas yog hais txog kev sib koom ua ib tug thiab pab cov neeg pluag txom nyem. Vim kev paub ntau yam hauv kev tshaj lub Moo Zoo hauv kev sib tham thiab kev ua hauj lwm, ces ua rau Jakarta tau ua tswv cuab tsa lub rooj sab laj cov Tswv Qhia FABC. Ua kom pom txog cov hauj lwm uas cov tsev teev Ntuj hauv zej zog coj los tau ob tiam neeg ntau.
