Lub Koom Haum cov yim neeg ntseeg thiab FABC tsev neeg nyob As Xias. Hais txog kev ua tus coj cov neeg ntseeg hauv lub Koom Txoos raws Synodal.
nyob As Xias, thov kom cov tsev neeg, cov poj niam, cov tub ntxhais hluas thiab cov
neeg ntseeg muaj feem cuam txog lub Koom Txoos cov hauj lwm ntau dua qub. Hauv
kev cov lus hais hauv FABC lub rooj sab laj loj zaum tim 12, hnub tim 21 lub 7 hli.
Nyob hauv lub tsev txais qhua Mulia, nyob Jakarta.
Hauv kev sib tham Tswv Qhia Emmanuel K. Rozario ntawm Npees Las Des teb thiab
tus lwm thawj tswj kev ua hauj lwm Momoko Nishimura, SEMD hais tias :
“Lub Koom Txoos As Xias yav tom ntej yog nyob ntawm cov Kav Tos Liv kev ua pov
thawj hauv yim neeg, hauv tsev teev Ntuj thiab hauv cov zej zog. Nkawd txhib tias kev
pauv ntxeev raws Synodal yog pib ntawm cov neeg mus ua ke hauv kev ntseeg.”
Lub Koom Haum tau hais txog kev pib cov hauj lwm tseem ceeb ntau yam nrog rau kev
qhuab qhia hais txog kev ua txij ua nkawm ntawm cov npaj txais lub Cim Ntxuav. Uas
tau txais lub zog txhawb siab los ntawm FABC tsab ntawv Bangkok lub 12 hlis xyoo
2023. Thiab kev sab laj ntawm Synod hais txog cov hauj lwm hauv tsev neeg ntseeg
nyob As Xias, uas txhawb cov yim neeg kom ua cov hauj lwm tseem ceeb hauv kev
tshaj lub Moo Zoo, hauv kev tsiv teb tsaws chaw, kev tsis ruaj khov hauv kev lag luam
thiab kev pauv ntxeev hauv tej kab lis kev cai.
Kev sib tham tseem hais txog kev muab siab rau txhawb nqa kev muaj feem cuam
ntawm cov poj niam, hauv kev ua tus coj lub Koom Txoos thiab tshaj lub Moo Zoo. Ua
ke ntawd kuj txhawb nqa kev qhuab qhia cov tub ntxhais hluas hauv kev sib tham.
FABC nyob Nyab Laj teb kuj txhawb nqa kev ua thwj tim, kev ua tus coj thiab kev ua
pov thawj hauv lub Moo Zoo. Yog txuas nrog lub neej ua neeg ntseeg thiab kev saib
xyuas txhua yam nyob ib puag ncig. Lub Koom Haum tau txhawb nqa kom txhua yim
neeg ua lub neej xwm yeem, muaj kev sib koom siab thiab muaj kev saib xyuas txog
txhua yam nyob ib puag ncig.
Hauv cov lus xaus, lub Koom Haum thov kom lub Koom Txoos As Xias xav txog cov
neeg ntseeg lub luag hauj lwm hauv kev muaj feem cuam saib xyuas ua ke, hauv lub
Koom Txoos cov hauj lwm. Kom zeem tseeb tias lub Koom Txoos yav tom ntej yuav tsis
raug teeb tseg, tshwj xeeb tshaj yog cov Cheeb Koom Txoos thiab lwm cov Koom
Haum xwb. Tab sis yog hais txog cov yim neeg, cov zej zog thiab txhua lub tsev teev
Ntuj uas lub Moo Zoo nyob hauv lawv lub neej niaj hnub thiab.
