Lub zeem muag ntawm cov Kav Tos Liv Nyab Laj hais txog Suav lub Tsiab Peb Caug.
Lub zeem muag ntawm cov Kav Tos Liv Nyab Laj hais txog Suav lub Tsiab Peb Caug.
Suav lub Tsiab Peb Caug los yog Tet, tsis yog hnub so tseem ceeb nyob hauv Nyab Laj daim ntawv Xam Nyoog xwb. Nws tseem yog tas zej zog li thiab nws yog zoo li lub sij hawm khiav qeeb kawg. Uas ua rau cov tsev neeg tau rov los ntsib, noj haus ua ke thiab rov txuas nrog lawv tej kab lis kev cai. Ntau pua xyoo los lawm uas lub Tsiab Peb Caug Suav yog qhov chaw nruab nrab ntawm txhua txoj kev cai nyob Nyab Laj teb. Tshwj xeeb tshaj yog kev ntseeg Kav Tos Liv, uas yog ib txoj kev teev hawm sab hnub poob tuaj txog Nyab Laj teb 400 xyoo tag los.
Qhov tiag mas tsim nyog yuav raug cais tawm ntawm Suav lub Tsiab Peb Caug, los yog tiv tej kab lis kev cai hauv zej zog. Tab sis lub Koom Txoos Kav tos Liv nyob Nyab Laj teb, maj mam hloov lub tswv yim hauv kev daws kho kom haum nrog cov kev cai no, uas yog txuag lub noob ntawm cov txuj kev ntseeg cia. Tsis tas li ntawd, kuj saib Suav lub xyoo tshiab hauv kev ua lub neej, kev ua hauv zej zog thiab cov kab ke uas haum rau zej zog. Yog kev kawm uas ua kom pom txog kev sib xyaws ntawm cov kev teev hawm nyob As Xias toob fab naj.
Txij kev sib cav sib ceg ntawm tej kab lis kev cai mus txog qhov nyob ua ke thaj yeeb.
Yav tag los tej lus sib cav sib ceg hais txog txoj kev ntseeg Kav Tos Liv thiab tsoom pej xeem Nyab Laj ntawd, cuam tshuam txog kev pe hawm thiab teev tej poj yawm txwv koob. Yog cov kab ke cog tob nyob hauv Suav lub Tsiab Peb Caug tej kev cai. Thawj pab tub tshaj Ntuj Lus sab hnub poob hais txog cov kab lis kev cai no tias : yog kev pe hawm uas tsis haum nrog kev ntseeg Kav Tos Liv. Tej kev nkag siab yuam kev no tau tshwm sim nyob txhua txhia qhov chaw nyob As Xias sab hnub tuaj, xws li Suav teb, Kos Lim teb thiab Zis Pees teb. Kev sib cav sib ceg hais txog tej kab ke teev hawm poj yawm txwv koob tau tsim lub neej ntawm cov neeg ntseeg Kav Tos Liv los ntau tiam neeg. Txawm li cas kuj xij thaum sij hawm dhau mus ntev, lub Koom Txoos Kav Tos Liv nyob Nyab Laj teb rov soj ntsuam txog tej kev cai no nyob hauv kev saib tej kab lis kev cai ntau dua txoj kev ntseeg. Tshwj xeeb tshaj yog nyob hauv tiam 20, tom qab kev hloov pauv nthuav dav ntawm lub Koom Txoos nyob thoob ntiaj teb. Kev nco txog tej poj yawm txwv koob raug lees txais tias yog kev ua tawm hauv kev ncaj ncees thiab kev hwm niam hwm txiv ntau dua kev ntseeg.
Kev pauv ntxeev no, tau ua lub hauv paus hauv kev sib koom ntawm txoj kev ntseeg Kav Tos Liv thiab Tsiab Peb Caug Suav. Ces ua rau kev ntseeg tuaj yeem mus txog Nyab Laj tej kab lis kev cai, hauv kev tso tseg yus tej kev cai.
Peb Caug Suav yog tsev neeg li : sib koom kev ncaj ncees ua ke.
Hauv cov tsev neeg Kav Tos Liv, mas Suav lub Tsiab Peb Caug yog thawj yam hauv tsev neeg thiab tseem ceeb tshaj. Hauv vaj hauv tsev yuav cheb du lug thiab tu kom zoo nkauj, npaj ncuav thiab npaj paj ntoos rau hauv tsev kom zoo nkauj. Zoo ib yam li cov yim neeg uas lawv tsis yog neeg ntseeg.
Cov yim neeg Kav tos Liv ntau thaj tsam tseem muaj lub thaj teev poj yawm txwv koob. Lawv kheev kheev teeb lub thaj nyob hauv qab ntoo cuam thiab cov mlom Leej Ntshiab. Ua kom pom txog qhov zoo ntawm kev hwm niam hwm txiv thiab kev ntseeg.
Kev sib xyaws no ua kom pom txog qhov tseeb dav tuaj. Ntawd yog kev ntseeg Kav Tos Liv nyob Nyab Laj teb tsis tau rhuav tshem lawv tej kev cai qub, tab sis nkag mus nyob sib xyaws rau ntawd kiag. Hais txog kev hwm niam nwm txiv, kev txuag tsev neeg kev sib raug zoo thiab lees txais ib txheej dhau ib txheej. Yog qhov haum rau Nyab Laj tej kab lis kev cai thiab kev coj ncaj ncees ntawm cov neeg ntseeg kawg. Ua kom Suav lub xyoo tshiab yog qhov chaw sib ntsib raws li ntuj tsim, thaum Suav lub xyoo tshiab nkag los xyaw lub Koom Txoos.
Kev txhim kho no pom meej tseeb hauv kev ntseeg Kav Tos Liv tej kab ke hauv xyoo tshiab raws ntawv xam nyoog. Raws li kev xav ntawm cov Tswv Qhia Nyab Laj, mas thawj peb lub thaj txi Ntuj hauv daim ntawv xam nyoog yog teeb tseg rau lub hom phiaj tshwj xeeb, xws li kev teev Ntuj thov kev thaj yeeb hauv xyoo tshiab, kev nco txog tej poj yawm txwv koob thiab kev foom hmoov zoo rau tej hauj lwm thiab kev ua lub neej niaj hnub.
Hauv tsev teev Ntuj kheev kheev ua kom pom txog lub caij nyoog.
Kev siv paj ntoos tu tsev, kev tu tsev raws qhov qub thiab cov suab paj nruag Nyab Laj raug muab los siv sib xyaws hauv kev teev Ntuj. Ua kom muaj kev lom zem uas zoo li yog lub caij Tet. Ua kom cov kab ke txhob rais zoo li yog piav dab neeg.
Kev nthuav ntawv Moo Zoo los yog cov lus qhuab qhia nyob hauv lub caij no, kheev kheev hais txog kev ntseeg tsawg. Thiab feem ntau yog hais txog kev sib haum xeeb, kev mloog lus thiab kev txawj saib xyuas tsev neeg. Yog qhov tseem ceeb ntawm cov zej zog Nyab Laj hauv lub caij hloov lub xyoo.
Kev txhais txoj hmoov zoo dua tshiab hauv kev ntseeg.
Ib yam kab ke uas raug ua ntau dua, yog kev xaiv nthos Ntawv Ntshiab ntawm lub hauv xyoo. Cov neeg nyob hauv tsev teev Ntuj yuav xaiv ib nqe lus hauv Ntawv Ntshiab los tso rau ntawm cov paj ntoos nyob hauv tsev teev Ntuj. Yog lo lus txhib txog tus ntsuj plig rau lub hlis tom ntej. Cov kab ke kuj zoo ib yam Nyab Laj cov kab ke hauv kev thov koob hmoov xyoo tshiab. Tab sis hloov lub tswv yim tshiab ntawm kev ncaj ncees thiab fab ntsuj plig me ntsis. Cov hauj lwm no “koob hmoov” tsis tau xav tias yog thawj yam koob hmoov hauv kev nplua nuj. Tab sis yog koob hmoov hauv lub peev xwm ua lub neej ncaj ncees, kev ua tiag nyiaj uv thiab sib pom dej siab. Kev ntseeg Kav Tos Liv hloov cov cuj pwm ntawd mus rau kev rov xav txog thiab kev muab siab rau hauv kev ncaj ncees.
Dhau ntawm hmoov tsuj xeeb Yes Xus Yug Los, kev ua tawm kuj txawv.
Hais txog cov neeg soj ntsuam ntawm cov teb chaws, mas kev ua neeg ntseeg Kav Tos Liv nyob Nyab Laj teb ntawd pom meej tseeb nyob hauv lub Caij Yes Xus Yug Los. Nws yog cov hauj lwm loj nyob ntawm tshav puam thiab zoo nkauj kawg. Dua li ntawd, lub Tsiab Peb Caug Suav kuj ua kom pom txog qhov sib txawv hauv kev ntseeg. Yog tias hmoov tsuj xeeb Yes Xus Yug los yog lub caij uas kev ntseeg mus txog tej tshav puam, mas lub Tsiab Peb Caug Suav kuj yog lub sij hawm uas cov Kav Tos Liv tau mus txog cov neeg Nyab Laj tej kab lis kev cai. Nws yog kev thaj yeeb ntau dua kev rov xav txog thiab muaj kev sib raug zoo tob.
Cov neeg hauv zej zog hais txog tej kev sib txawv.
Tien Nam uas nws muaj 55 xyoos, nws nyob hauv cov zos uas tsis yog neeg ntseeg Kav Tos Liv thiab thaj tsam ntawd yog ib feem ntawm lub xeev Ninh Binh.
Tau nrog nws sib pauv tswv yim tom qab nrog cov neeg ntseeg ua hauj lwm los ntau xyoo tias : “Kuv tsis yog neeg ntseeg Kav Tos Liv, tab sis kuv nyiam kev tu tsev teev Ntuj thaum txog Suav lub xyoo tshiab. Nws zoo nkauj ib yam li hmoov tsuj xeeb Yes Xus Yus Los. Cov neeg ntseeg Kav Tos Liv tsuj xeeb Suav lub xyoo tshiab hauv kev nyab xeeb thiab muaj qab muaj quag. Kev ntseeg txog yam ub yam no muaj tsawg dua qee thaj tsam uas tsis yog Kav Tos Liv.”
Nws txoj kev xav ua kom pom txog kev paub hauv zej zog dav tuaj : cov neeg ntseeg Kav Tos Liv kheev kheev raug ntsia pom tias ; lawv tsuj xeeb Suav lub xyoo tshiab hauv qhov ntsiag to, muaj qab muaj quag thiab nkag siab txog tej kab lis kev cai uas ua rau neeg ntxim siab. Yog dhau ntawm kev ntseeg lawm.
Cov tub ntxhais hluas, kev nyuab siab thiab kev cheem tsum uas tau qeeb.
Nyob Nyab Laj teb zim txwv no, Suav lub xyoo tshiab muaj feem cuam hauv zej zog tej kev nyuab siab heev zuj zus. Kev vam txog nyiaj txiag, lub nra hauv yim neeg thiab kev chim siab. Nyob hauv cov Kav Tos Liv txheej tshiab, kev muab siab rau hauv tej kab ke yuav raug txwv. Tab sis coob leej qhuas txog Suav lub Tsiab Peb Caug uas ua nyob hauv tsev teev Ntuj. Nws txhib txog kev rov xav txog ntau dua kev ua tawm los.
Qee tus Txiv Plig xav tias ; lub thaj txi Ntuj hauv Suav lub Tsiab Peb Caug kheev kheev ua kom cov neeg tsis kam mus tsev teev Ntuj coob leej tau muaj feem cuam. Ib tug Txiv Plig nyob qaum teb hais tias : “Peb Caug Suav tsis yog kev thov yam tshiab tshiab, tab sis yog kev daws kho yam uas xyoo tas los tau ua yuam kev mus lawm.”
Kev ntsia pom li no, ua kom Suav lub xyoo tshiab rais ua lub caij hloov pauv kev ncaj ncees ntau dua tej kev ua tiav.
Kev pub dawb thiab kev lees paub hauv zej zog.
Suav lub Tsiab Peb Caug tseem yog lub sij hawm pib ua cov hauj lwm pub dawb thiab pab neeg.
Nyob hauv ntau lub tsev teev Ntuj, cov neeg ntseeg Kav Tos Liv yuav faib txhiam xws noj, pub paj tshab thiab pab tej yam cheem tsum rau cov tsev neeg pluag txom nyem ua ntej yuav txog hnub so. Tsis hais txoj kev ntseeg twg kuj xij.
Cov hauj lwm no ua kom pom txog kev ntseeg ntawm lub Koom Txoos hais txog kev pub thiab kev sib pab ntawm cov neeg Nyab Laj nyob hauv Suav lub Tsiab Peb Caug. Yog lub hauv paus ntawm lub Koom Txoos kev txhim kho zej zog.
Tus qauv ntawm kev sib kho kom haum rau tej kab lis kev cai.
Kev kho kom kev ntseeg Kav Tos Liv haum nrog Suav lub Tsiab Peb Caug nyob Nyaj Laj teb ntawd, tsis tau txhais tias mus tau zoo thiab tsis muaj kev sib cav sib ceg. Tab sis ua kom pom nyob hauv tus qauv hloov pauv tseeb kawg. Tiag tiag mas tsim nyog yuav tsis lees txais Suav lub Tsiab Peb Caug los yog txo tus yam ntxwv hauv kev ntseeg. Kev ntseeg Kav Tos Liv nyob Nyab Laj teb tau hloov pauv tej kev cai qub mus rau kev ncaj ncees thiab fab ntsuj plig. Hauv txheej neeg uas muaj lus sib cav sib ceg txog tus yam ntxwv, kab lis kev cai thiab kev ntseeg. Nyab Laj teb tau hais txog tus yam ntxwv zoo ntawm kev nyob ua ke hauv cov hauj lwm no, ces Suav lub Tsiab Peb Caug tsis yog kev ua hauv lub caij rov los txog ntxiv mus, tab sis yog qhov chaw uas kev ntseeg thiab tej kab lis kev cai sib tham txog yav tom ntej yam muaj qab muaj quag thiab nrog lub suab nrov ntev mus.
Kwv tij Hmoob sawv daws ! Hnub no peb tham txog lub zeem muag ntawm cov neeg Nyab Laj hais txog Suav lub Tsiab Peb Caug los xaus li no xwb.
Thov peb tus Huab Tais Yes Xus Pleev lub txiaj ntsim nrog nej nyob, ua nej siab kaj lug. Peb mam sib ntsib dua, nej sawv daws nyob zoo !
