“Niaj hnub no kuv muaj txoj sia nyob, yog vim koj.” Lub tsev ua hauj lwm rau cov yim neeg nyob Mumbai, ua hmoov tsuj xeeb txwm 50 xyoo hauv kev pab cuam.

Txiv Plig Menezes piav txog ib tug poj niam xeeb tub uas nws tus txiv ntxeev siab
thiab ua rau nws tag kev cia siab. Tus poj niam ntawd thiaj khiav tawm hauv tsev mus
thiab npaj siab muab tus kheej tua kom tuag. Tab sis nyob ntawm tog kev muaj neeg
tham rau nws hais txog Snehalaya thiab txhawb dej siab rau nws kom mus thov kev
pab. Qhov kawg nws thiaj mus ntsib Txiv Plig Menezes thiab pab nws hla dhau cov
teeb meem ntawd.
Ntau xyoo tom qab no, thaum nkawd rov qab sib ntsib mas nws hais rau Txiv Plig tias :
“Qhov uas niaj hnub no kuv tseem muaj txoj sia nyob, yog vim koj.”
Tus poj niam ntawd cov lus ua kom pom txog cov hauj lwm hauv kev ua hauj lwm
ntawm Snehalaya 50 xyoo dhau los. Qhov ntawd yog kev pub chaw rau cov yim neeg,
cov txij nkawm thiab txhua tus neeg kom lawv tau kev mloog, tau txais kev saib xyuas
thiab tau txais kev pab kom rov qab muaj kev cia siab. Lub tsev Snehalaya txhim tsa
hnub tim 8 lub 8 hli xyoo 1976. Kom tau daws tej kev txhawj xeeb uas muaj txhab ntxiv
thiab ua teeb meem rau cov yim neeg nyob Mumbai, nrog rau tej kev ua tus tuav xam
thiab saib xyuas fab ntsuj plig. Tau txais kev txhawb dej siab los ntawm lub Rooj Ncauj
Lus Vas Tis Kas Ob thiab Vaj Qhia Paj Lug 6 cov lus nyob hauv tsab ntawv
Humanae Vitae. Lub tsev Snehalaya no thiaj maj mam txhim kho cov hauj lwm kom
npaj txij rau kev sib yuav, kev daws teeb meem hauv yim neeg, kev tsim kho lub neej
raws ntuj tsim, kev txhawb nqa fab kev ntseeg thiab kev qhuab qhia. Thaum lawv tab
tom ua hmoov tsuj xeeb txwm xyoo, Txiv Plig Ashwin Castellino uas nws yog tus saib

lub tsev ua hauj lwm zim txwv no, nco txog kev pab ntawm cov thawj coj ua ntej uas
tau tuav cov hauj lwm hauv lub tsev Snehalaya. Ntau xyoo dhau los lub tsev
Snehalaya tau nthuav kev ua hauj lwm dav thiab tsim kev ruaj khov hauv kev pib ua
hauj lwm rau cov yim neeg nyob hauv tsev teev Ntuj.
Cov lus nyob hauv Txiv Plig Dawson Ambosta qhov xyam. Nws yog tus thawj coj
hauv kev txhim tsa, tau nco txog lub Cheeb Koom Txoos kev tuav xam nyob
Bombay uas muaj rau cov txij nkawm thiab cov neeg ntsib teeb meem hauv tsev neeg,
thiab xav tau kev txhawb nqa thiab kev saib xyuas fab ntsuj plig txhij txhua. Kev ua
hmoov tsuj xeeb txwm xyoo tseem hais txog yav tom ntej hauv lub ntsiab lus tias :
“Mloog hauv lub siab. Koom mus kev nrog kev nyiam kev hlub, kev mus ua ke hauv kev
ntseeg.” Snehalaya tau hais txog cov hauj lwm pib tshiab uas taw mus rau kev koom
mus kev ntev ntev ntawm cov txij nkawm. Kev mus ua ke hauv kev nyiam kev hlub,
mus ua ke hauv kev ntseeg. Snehalaya hais txog cov hauj lwm pib tshiab uas yog kev
mus ua ke ntev ntev ntawm cov txij nkawm. Tej yam uas Snehalay npaj tseg nrog rau
kev qhuab qhia cov txij nkawm 100 nkawm, kev mus ua ke ntawm cov nkauj nraug 500
nkawm thiab kev txhawb nqa tshwj xeeb rau cov txij nkawm txawv kev ntseeg 100
nkawm. Lub tsev Snehalaya no tseem npaj yuav tsim ib qho kev sib txuas ntawm cov
kws qhia txij nkawm kom ua cov qhuab qhia nyob thoob lub Cheeb Koom Txoos. Thiab
npaj luam cov ntaub ntawv rau cov txij nkawm txawv kev ntseeg, kom tau pab cov txij
nkawm thiab cov nrog lawv koom mus kev ua ke.
Tswv Qhia John Rodrigues nyob Bombay hais hauv lub rooj sab laj tias : “Kev tsuj
xeeb txwm 50 xyoo zaum no, yog kev tsuj xeeb uas ntshiab huv thiab muaj nuj nqis
kawg.” Qhov ntawd yog kev nyiam kev hlub ntawm cov nkawm niam txiv.” Nws hais
tias : “Nyiaj kub yog lub Cim ntawm qee yam ntshiab huv uas muaj nqis heev, thiab kuv
xav tias nws tsim nyog lawm uas peb tab tom tsuj xeeb txwm 50 xyoo ntawm qee yam muaj nqis li no. Qhov ntawd yog kev nyiam kev hlub ntawm cov txij nkawm. Yog qhov dawb huv thiab ua kom peb tau pom txog qhov ntshiab huv, yog kev nyiam kev hlub dawb huv uas Tswv Ntuj muab rau peb.” Tswv Qhia paub txog tej kev txhawj xeeb uas hloov mus ntawm cov yim neeg thiab yog qhov lub Koom Txoos tab tom raug, nrog rau yam tseeb tshiab tshiab hauv zej zog los ntawm Technology, AI lub tswv yim tsim tawm thiab kev ntsiag to hauv lub nroog.
Nws txhib kom lub Koom Txoos ua tus mloog, tshwj xeeb tshaj yog cov hluas txheej tshiab thiab qhib siab kawm kom paub los ntawm lawv. Tswv Qhia Rodrigues tau ua kom pom txog qhov pib ntawm Snehalaya thaum lub teb chaws raug kev kub ntxhov, thiab cia siab tias tej kev txhawj xeeb zim txwv no yuav ua mus txog qhov tshiab tshiab hauv kev tshaj lub Moo Zoo ib yam. “Thaum ntawd qhov zoo nkauj yuav tshwm sim tuaj.” Nws hais tias : “Peb cia siab rau
Tswv Ntuj tias ; qhov zoo nkauj yuav tshwm sim thaum lub caij no dhau mus.” Thaum Snehalaya pib dua qhov tshiab ntxiv mus, mas yav tom ntej ntawm Txiv Plig Ashwin Castellino yuav hloov qhov npaj txhij rau kev sib yuav hauv tib tug txheej txheem, mus txog kev txhawb nqa kev sib yuav hauv kev mus kev ua ntu zus. Txhawb nqa cov txij nkawm hauv kev sov siab thiab kev txhawj xeeb hauv lub neej ntawm yim neeg. Qhov kawg hauv cov lus, Tswv Qhia Rodrigues tau txhawb dej siab rau Snehalaya kom ua cov hauj lwm ntxiv mus tias : “Thov tshuab xyu, thov tshuab suab xyu, thov hu nkauj thiab quaj, thov ua Tswv Ntuj tsaug rau txhua yam uas nws tau ua, thiab thov kom qhov pom kev no pom kev ntxiv mus.”