Nyab Laj qhov Catholic Design siv kev txhim kho hauv digital los txhawb nqa kev tshaj lub Moo Zoo ntawm lub Koom Txoos nyob As Xias.
Catholic Design pib nyob hauv Hom Cis Mees xyoo 2013, yog thaum ib tug hauv cov kws tawm qauv graphic txheej tshiab xav muab nws kev txawj ntse los ua hauj lwm rau lub Koom Txoos. 10 tawm xyoo tom qab ntawm kev pib cov hauj lwm no tau loj hlob faib ua ntau ceg thiab muaj tim xyoob ze ntawm 50 leej, uas ua hauj lwm fab sau cov ntsiab lus, tawm tus qauv, tshaj xov xwm thiab Technology. Pab neeg no tsim cov ntsiab lus, kawm kom paub, infographic, luam ntawv, thau duab, thau yeeb yaj duab thiab tus yam ntxwv hauv cov duab rau cov neeg ntseeg Kav Tos Liv. Dhau no lawm lawv tau ua cov duab txawj txav los qhia txog lub thaj txi Ntuj, tej ntaub ntawv hais txog Ntawv Ntshiab thiab tej xov xwm hais txog cov hauj lwm tub ntxhais hluas thiab cov yim neeg nrog rau txhua yam xov xwm ntawm lub Koom Txoos. Ib qhov ntawm cov hauj hauv Technology ntawm pab neeg muaj npe tias ‘HOJO’ los yog Holy Journey 4, muaj feem pab tsim zej zog fab Technology hauv kev sib tham ntawm cov Kav Tos Liv. Pab neeg no tseem tsim cov yeeb yaj duab muaj suab paj nruag thiab lwm yam xov xwm digital uas hais txog kev ua lub neej thiab cov neeg ntseeg tej hauj lwm thiab.
Catholic Design saib kev txhim kho cov tub ntxhais hluas ua qhov tseem ceeb hauv kev npaj kom muaj kev sib tw thau duab, kos duab thiab sau xov xwm digital. Tus npaj cov hauj lwm no pom tias cov hauj lwm no yog lub sij hawm zoo rau cov tub ntxhais hluas tau txhim kho lawv txoj kev ntse mus ua ke nrog kev tsim tawm kom muaj txiaj ntsim qab hau rau lub Koom Txoos. Cov hauj lwm ntawm pab neeg no tseem muaj qhov txuas nrog cov neeg ntseeg tej hauj lwm tseem ceeb thiab. Xws li cov tub ntxhais hluas hnub (World Youth Day) nyob Lisbon xyoo 2013, kev tsuj xeeb xyoo ntshiab huv (Jubilee) nyob Los Mas xyoo 2025, cov hauj lwm tub ntxhais hluas nyob Thaib teb thiab Fis Lis Pees teb, thiab kev sau siab cov tub tshaj Ntuj Lus Kav Tos Liv Online nyob As Xias thawj zaug uas npaj nyob Mas Nis Las xyoo 2026. Nyob hauv lub ntsiab lus luv luv “Peb lub tswv yim, peb lub hom phiaj’, mas Catholic Design pom tias lub tswv yim tsis yog kev sau cov ntsiab lus kom ntxim siab xwb, tab sis nws yog ib tug qauv ntawm kev ua tub txib uas lub hom phiaj yog xa kev ntseeg thiab cov Kav Tos Liv tej kev cai hauv xeem lus rau cov hluas txheej tshiab nyob hauv digital uas yog qhov lawv ua kam.
