Tseem hwv Mias Mas muab ib tug Leej Phauj kaw 8 lub hlis raws txoj cai cheb ntxuav.
Leej Phauj Nya Moe muaj hnub nyoog 50 xyoo. Nws yog ib tug Leej Phauj hauv lub Koom Haum Leej Phauj Of Charity hwm Leej Ntshiab Bartolomea Capitanio thiab Leej Ntshiab Vincenza Gerosa (SCCG). Nws raug txiav txim hnub tim 24 lub 6 hli tag los, raws lub nkuaj Loikaw txoj cai 505a uas lub txim kaw ntev 3 xyoos.
Tus Leej Phauj no saib xyuas fab kev noj qab nyob zoo, txhiam xws noj thiab pab cov neeg tsiv teb tsaws chaw hauv lub teb chaws nyob hauv lub xeev Karen. Nws raug ntes hnub tim 10 lub 6 hli, yog thaum nws tab tom thauj cov neeg mob mus rau lub tsev kho mob nyob ze Loikaw. Ntawv xov xwm tshaj tias : cov tub rog ntes nws tom qab tshawb pom kev pab thiab tej xov xwm sib tawg hauv nws lub xov tooj. 2 tus neeg uas raug ntes nrog Leej Phauj, mas tom qab ntawd raug tso lawm.
Tas cov neeg ntseeg nyob thoob Mias Mas teb tau thov Ntuj pab thiab thov kom cov nom tswv tso Leej Phauj Nya Moe. Lawv hais tias kev muab Leej Phauj kaw yog teeb meem rau kev ncaj ncees hauv kev pab cov neeg tsiv teb tsaws chaw, hauv cov thaj tsam muaj kev kub ntxhov thiab sib tawg.
Txij thaum cov tub rog txeeb teb chaws hauv lub 2 hlis xyoo 2021 los, cov tseem hwv Mias Mas tau siv txoj cai nqe 505a ntau zaus los muab txim rau cov neeg xyav tseem hwv moo, cov muab kev pab cuam thiab tsoom pej xeem uas raug hiam tias rhuav tshem tseem hwv txoj cai.
