Tsim kev ntseeg rau As Xias uas tau hloov mus : Lub Koom Haum kev kawm thiab kev tsim kev ntseeg ntawm cov Tswv Qhia As Xias (FABC).
. Lub qub npe ntawm kev kawm ntawv thiab kev saib xyuas cov tub kawm zim txwv no yog OEFF, uas ua hauj lwm koom nrog pab kav xwm ntawm cov teb chaws hais txog kev kawm ntawv thiab kev qhia kev ntseeg. Kom tau txhawb nqa kev sib koom tes nrog cov tsev teev Ntuj hauv zej zog. Sib faib kev qhia kev ntseeg thiab txhawb nqa yav tom ntej ntawm FABC hauv kev tshaj lub Moo Zoo thiab tsim kev ntseeg. Ntau xyoo dhau los, lub pwm tsav no tau npaj rooj sab laj tseem ceeb hauv xeev ntuj, uas teeb tus qauv txog kev qhia kev ntseeg nyob As Xias. Hauv cov hauj lwm tseem ceeb uas pib, yog kev qhia kev ntseeg tshiab ntawm As Xias xyoo 2000 thiab yav ua ntej 1995. Kev sab laj tuav xam hasi txog kev qhia kev ntseeg hauv yim neeg xyoo 2006, thiab kev tuav xam xyoo 2022 hais txog Antiquum Ministerium ntawm Vaj Qhia Fas Ntshis Kus, tau soj ntsuam kev qhia kev ntseeg ntawm cov qhia kev ntseeg, thiab sau tas cov sawv cev ntawm lub pwm tsav thoob plaws xeev ntuj. Vam txog cov kev sib tuav xam no thiab FABC lwm cov ntaub ntawv, OEFF thiaj teeb tus txheej txheem tseem ceeb 8 yam rau kev qhia kev ntseeg nyob As Xias. Xws li kev qhia kev ntseeg hauv qhov tseeb nyob As Xias, kev txhawb nqa kev sib tham, kev qhia txog Yes Xus tus yam ntxwv nyob As Xias, kev txhawb nqa kev qhia kev ntseeg hauv yim neeg, kev muaj feem cuam ntawm cov tub ntxhais hluas, kev lees txais cov poj niam, kev ua rau kev pauv ntxeev hauv zej zog, kab lis kev cai, Technology, thiab saib xyuas kev txhawb nqa tsim tawm. Tej yam tseem ceeb no ua kom pom txog yav tom ntej hauv kev ntseeg ntawm Bangkok tsab ntawv xyoo 2023 meej kawg.
Lub Koom Haum no muaj Tswv Qhia Subianto Bunjamin, OSC nyob Bandung hauv Is Ntos Nes Xias teb ua thawj coj. Tseem muaj Tswv Qhia Julian Leow Beng Kim nyob Kuala Lumpur, Tswv Qhia Ha Chi-Shing, OFM nyob Hooj Koos, Tswv Qhia M. Inzon, OMI nyob Cotabato thiab Tswv Qhia Jung Shin-chul nyob Inchon ua tim xyoo, thiab tus kws txuj Steven Selvaraju nyob Mas Les Xias teb ua tus lwm tswj hauv kev ua hauj lwm. Thaum FABC sib sau ua ke nyob Jakarta, mas cov hauj lwm uas OEFF tab tom ua ntawd yog hais txog qhov tseem ceeb ntawm kev tsim cov thwj tim uas tuaj yeem ua lub neej thiab ua pov thawj txog lub Moo Zoo hauv tej kab ke, kev ntseeg thiab cov zej zog uas muaj ntau haiv neeg nyob As Xias.
