3 yam hauv kev tos txais Yes Xus yug los. (Aspects of Advent)
Peb los txog thawj lub lis piam ntawm lub caij tos Huab Tais, hnub xyoo tshiab uas yog pib xyoo tshiab thiab peb rov los pib ntawm lub hauv paus dua. Peb npaj siab tos txais Yes Xus yuav yug los. Adventus yog xeem lus Latin, txhais tias tuaj txog los yog tuaj. Tab sis kev saib lub caij Advent, yog kev ntsia pom Yes Xus nqes los 3 zaug. Kev Yes Xus yug los nyob hauv keeb kwm, peb yuav rov tig mus rau lub caij Yes Xus yug los nyob Npes Les Hes. Qhov Yes Xus yug los zim txwv no yog Yes Xus nyob ze peb lub siab thiab muaj qhov Yes Xus yug los rau yav tom ntej uas peb tab tom saib ntsoov.
Li ntawd, yav tag los, zim txwv no thiab yav tom ntej, 3 yam no puav leej yog haistxog kev npaj tos txais Yes Xus yuav yug los los yog Advent ntawm peb. Li ntawd, ua ntej tshaj plaws peb yuav tig rov mus ntsia txog hnub dhau los. Nov yog qhov tseem ceeb tshaj thiab thov peb cais Yes Xus Nas Xas Les tawm ntawm tus neeg nyob rau yav tag los. Peb tsis yog hais txog tus neeg yav tag los uas nws yog piav txog qhov Yes Xus yug los. Nws tsis yog dab neeg, peb tab tom hais txog tus neeg yug los nyob hauv keeb kwm tiag tiag. Tshaj qhov ntawd lawm, cov neeg hauv Yes Xus tiam neeg pom tias yog qhov ua tiav log. Yog qhov tseeb kawg hauv zaj qub dua thiab ntev dua. Yes Xus yog tus sawv cev ntawm qhov siab tshaj hauv His Xas Lais txoj kev nrhiav Tswv Ntuj. Tswv Ntuj tsim neeg raws li nws lub siab. Nws muab cov lus qhia hauv ntawv Torah, tsev teev Ntuj, cov lus cog thiab Ntawv Ntshiab rau lawv. Yes Xus yog leej twg ? Yog tsis yog tus sau tas cov ntawd los ua ke. Yes Xus yog qhov tiav log ntawm lub tsev teev Ntuj, Torah, cov lus cog thiab Ntawv Ntshiab. Qhov ntawd yog qhov Yes Xus ntxuav lub tsev teev Ntuj thiab tshaj tias nws yog qhov chaw teev hawm Tswv Ntuj raws txoj cai. Ntawd yog lub ntsiab ntawm Yes Xus nce mus saum roob kom tau nthuav Ntawv Cog Lus Tshiab, vim Yes Xus yog tus Mais Xes tshiab. Yes Xus yog kev qhov tiav log hauv Ntawv Cog Lus Qub. Yes Xus yog Torah, yog Ntawv Ntshiab. Li ntawd, thov peb tig rov mus ntsia Yes Xus, tus me nyuam me me uas nqes los hauv ntiaj teb nyob Npes Les Hes, lub xeev Yus Das. Thiab peb tig rov mus saib deb dua ntawd nyob hauv cov His Xas Lais lub caij nyoog. Peb muab tas txhia yam ntawd los sau ua ke nyob hauv Yes Xus. Yog qhov tsim nyog thiab yog ib feem ntawm kev ua tib zoo xav thiab peb kev npaj siab tos txais Yes Xus yuav yug los dua. Yog tus sawv cev ntawm qhov siab nyob hauv neeg lub keeb. Lo lus nug no tseem ceeb kawg rau kuv. Nrog cov kws liv xwm thiab cov kws tshaj lij tham, lawv ntsia pom tas txhua lub caij yog qhov siab tshaj, los yog qhov tej keeb kwm hloov mus tiag tiag. Lawv hais txog tiam neeg nruab nrab kws yees 500 xyoo ua Yes Xus ntej. Yog lub caij muaj kev tsis sib haum xeeb ntawm fab ntsuj pliag thiab lub tswv yim zaum loj kawg nyob Suav teb, Is Ntias teb thiab As Xias nrab. Lub sij hawm ntawd, kev teev hawm thiab kev txawj ntse nws tshwm sim nyob Hes Laas teb. Coob leej neeg hais tias ntawd yog qhov pauv ntxeev nyob hauv keeb kwm, ntawd yog qhov nruab nrab hauv keeb kwm.
Hauv tiam 18 uas ze peb tiam neeg, kev rov pib dua, kev tshawb fawb thiab kev tseev tsim uas rov tsim lub ntiaj teb tshiab, yog qhov tsis tshua pom. Qhov nruab nrab hauv keeb kwm, yog qhov tus me nyuam yug los nyob Npes Les Hes, lub xeev Yus Das. Tswv Ntuj Leej Tub nqes los nyob hauv tej keeb kwm, nws sau tas txhua haiv neeg nyob His Xas Lais los ua ke. Yes Xus yog qhov nruab nrab ntawm keeb kwm hloov mus, Yes Xus yog qhov nruab nrab ntawm lub caij nyoog. Tam sim no peb nyob hauv xyoo 2024, yog pib suav txij thaum Yes Xus yug los ua neeg. Li ntawd, kev tswj lub siab hauv lub Caij Tos Huab Tais, peb tig rov mus saib txog lub sij hawm thiab qhov tseem ceeb ntawm Yes Xus nqes los ua neeg. Tam sim no muaj Adventus tab tom yuav tshwm sim. Sim saib ma ! Yes Xus tsis yog zoo li tus neeg ploj mus hauv twv huab xws li nyob hauv keeb kwm. Xis Xas yog tus neeg tseem ceeb heev, tab sis Xis Xas tuag mus lawm. Nas Pos Lias kuj yog tus neeg tseem ceeb heev, tab sis nws kuj tuag mus lawm thiab. Nkawd ob lub ntxa raug faus nyob Is Vas Lis nyob Pas Lis. Ntawd tsis yog qhov tseeb ntawm Yes Xus. Yes Xus tib leeg xwb nqes los hauv ntiaj teb nyob Npes Les Has, Yus Das teb. Nws raug ntsia saum Ntoo Cuam thiab sawv ntawm txoj kev tuag rov qab los. Nws ua vaj nyob mus li.
Thov nej mloog mas ! Tam sim no Yes Xus xav nkag los nyob hauv koj lub siab. Nws txoj kev ua vaj tsis yog lub npe qub yav tas, nws yog qhov tam sim no. Thov xav txog qhov loj tshaj nyob hauv ntawv Qhib Yav Tom Ntej uas Yes Xus khob qhov rooj. Kuv xav kom koj siv sij hawm xav txog daim duab ntawd nyob hauv lub Caij Tos Huab Tais. Thov koj xav tias tam sim no Yes Xus tab tom khob qhov rooj hauv koj lub siab thiab nws xav nkag los mus nyob hauv. Kuv yuav rov hais txog zaj nyob ntxiv nyob rau lub lis piam tom ntej, tab sis Yes Xus yuav tsis los ntawm lub qhov rooj, nws yuav khob. Txhais tias Yes Xus tab tom tos koj lo lus teb seb koj puas txaus siab cia nws nkag los nyob hauv koj lub neej los tsis txaus, yog tias Yes Xus tuaj. Yes Xus tuaj kom tau ntsib koj thiab nws xav nkag los nyob hauv koj tsev, los zaum nrog koj, ua phooj ywg nrog koj thiab ua Tswv Ntuj nyob hauv koj lub neej.
Hauv lub Caij Tos Huab Tais los yog Advent, peb pib nco txog Yes Xus txoj kev tuaj txog lub ntiaj teb. Tej zaum koj yuav hais tias : koj npaj tsis tau txhij, koj lub neej tseem ntxhov heev. Kev cia Yes Xus nkag los hauv koj lub neej, koj yuav xav tias yog qhov loj thiab ntau dhau.
Kuv xav kom koj xav txog Dorothy Day cov lus, nws hais li no : “Kuv zoo siab thiab ua tsaug ntau uas Yes Xus nkag los nyob hauv kuv lub nkuaj nees qias qias neeg zoo li, hauv 2000 xyoo dhau los.” Nws hais li no, vim nws xav tias nws lub siab yog zoo li lub nkuaj nees qias qias neeg, tsis zoo nkauj tsis huv, zoo tsis tas thiab muaj txhua yam tsw ntxhiab nyob puv nkaus. Qhov nws hais ntawd yog hais txog nws lub siab.
Yes Xus yeem nkag los hauv lub nkuaj nees, yog ntev heev los lawm. Tam sim no Yes Xus xav nkag los nyob hauv lub nkuaj nees uas yog peb lub siab. Li ntawd, nyob hauv lub Caij Tos Huab Tais Advent, peb yuav tsum ua tib zoo xav txog qhov ntawd.
Tej zaum koj yuav xav tias koj tsis tsim nyog, tej zaum yog Yes Xus yuam kev los ntawm lub Koom Txoos, los ntawm cov Cim Ntshiab thiab koj tsis tsim nyog. Thov koj hnov qab qhov ntawd mus. Tam sim no yog lub Caij Tos Huab Tais, Yes Xus tab tom khob koj lub siab lub qhov rooj. Tej zaum muaj qee leej tab tom mloog koj, uas nws yuam kev los ntawm Tswv Ntuj. Lawv yuam kev deb ntawm Yes Xus. Qhib koj lub qhov rooj tos txais Yes Xus. Koj npaj tsis txhij thiab tsis muaj leej twg npaj txhij, tab sis Yes Xus tab tom tuaj tam sim no lawm, ces thov cia Yes Xus nkag los ua Tswv Ntuj nyob hauv koj lub siab. Peb yuav tig mus saib ib ncig ntawm peb, ces peb pom tias Yes Xus tab tom tuaj nyob hauv peb lub neej.
Kuv xav coj kj mus rau zaj ntawv Moo Zoo hnub no, peb tab tom tos txog yav tom ntej uas nyob deb los tej zaum nyob tsis deb, tsis muaj leej twg paub. Tab sis peb tos txog qhov Yes Xus yuav tuaj yav tom ntej. Yes Xus hais txog kev piam sij uas yuav tshwm sim. Tib neeg yuav tuag thiab yuav ntshai txog qhov yuav tshwm sim hauv lub ntiaj teb. Thaum cov cim no pib tshwm sim, Yes Xus hais tias : “Thov sawv kom ntseg thiab tsa taub hau, vim koj kev daws txhaum tab tom tuaj yuav txog.”
Tab sis koj yuav ceev faj thiab nquag thov Ntuj kom koj muaj zog sawv ntsug ntawm Neeg Leej Tub xub ntiag. Tam sim no Yes Xus tab tom muab nws tus kheej cev rau peb, Yes Xus txoj kev ntseeg yog nws yuav rov tuaj thaum lub caij kawg. Qhov tob hauv zaj no yog dab tsi ? Yes Xus yuav rov los zaum ob, yog kev rov los uas pom meej thiab sau tas txhua yam los nyob ua ke. Kuv xav kom koj saib qee yam, tshwj xeeb tshaj yog nyob hauv lub Caij Tos Huab Tais. Tiag tiag tas niaj tas xyoo cov kab ke qhia peb mus rau Yes Xus kev rov los zaum ob ntau npaum cas. Li ntawd, peb thiaj cia siab tos txog Yes Xus yuav rov tuaj cawm peb kom dim ntawm kev txhaum.
Nthuav koj phau Ntawv Ntshiab thiab mus saib nyob hauv kab lus kawg, phab kawg hauv phau ntawv Qhib Yav Tom Ntej. Koj yuav pom dab tsi ? Ntawv Ntshiab uas soj ntsuam His Xas Lais lub keeb, nws tau piav txog kev tuaj ntawm Mes Xias. Tab sis kab lus kawg hauv Ntawv Ntshiab yog : “Tos txog hnub Yes Xus yuav rov tuaj dua.” Tam sim no peb yuav los xav tias dab tsi yog qhov tseem ceeb hauv lub Caij Tos Huab Tais uas peb tos. Peb tos Yes Xus yuav tuaj nyob hauv peb nruab siab thiab Yes Xus yuav rov tuaj zaum ob thaum ntiaj teb kawg.
Thov Tswv Ntuj foom hmoov zoo rau nej !
