Qhov muaj zog hauv kev mus kev. (Strength for the Journey)
Peb tab tom nyeem Zam ntawv Moo Zoo zaj 6 txuas ntxiv. Yog zaj hais txog lub Cim Yug thiab yog qhov tob tshaj hauv lub neej ua neeg ntseeg. Peb tab tom saib txhua yam sib txawv hauv lub Cim Yug. Li ntawd, kev siv sij hawm nyeem Zam ntawv Moo Zoo zaj 6, thiaj yog cov hauj lwm muaj txiaj ntsim qab hau heev. Qhov tseem ceeb tshaj yog lub sij hawm rov txhawb lub Cim Yug dua ib zaug.
Leej Ntshiab Tes Les Xas As Vis Las hais tias : “Koj puas paub tias lub neej no yog zoo li cas ? Lub neej no zoo li ua npau suav phem nyob hauv cov tsev txais qhua.”
Nws xav hais txog dab tsi ? Kuv tab tom hais txog tej yam ntawm kuv tus kheej, lub neej no thiab txhua leej. Tsis yog lub neej uas peb teeb tau. Peb tab tom nyob hauv lub caij taug kev mus rau lwm qhov chaw, peb tab tom mus kev. Kuv pom tias nws yog tej daim duab uas zoo li qub, tab sis nws yog los hauv Ntawv Ntshiab los. Peb tso kev txhaum yav tag tseg, peb los txais lub Cim Ntxuav, peb ua lub neej raws kev ntseeg. Peb tso lub neej ua txhaum pov tseg, peb tab tom mus rau ib qho chaw tshiab. Peb tab tom mus rau qhov chaw uas peb tej poj yawm txwv koob hu ua Patria, uas yog qhov chaw peb yug los, tab sis peb mus tsis txog qhov chaw ntawd.
Koj sim xav tias koj tab tom nyob hauv ib lub tsheb ti ti, nws ua rau koj meem txom, koj xyab ceg tsis tau, koj yuav tsum nres so txhua txhua 2 teev los yog 3 teev thiab mus tsev dej. Tej zaub mov koj nres so thiab noj ntawm tog kev kuj tsis tshua huv siab. Koj tsis xav nyob hauv lub tsheb ntawd, tab sis lub tsheb ntawd yog lub yuav coj koj mus txog qhov chaw koj xav mus. Hauv koj lub siab koj yuav nug tias : puas tau txog thiab thaum twg mam txog ? Tshuav deb npaum cas ? Koj sim xav txog tias : yog koj nyob hauv lub dav hlau uas tab tom ya hla dej hiav txwv Pas Xis Fiv. Koj nkees zaum, koj tshaib plab, koj sawv mus mus los los. Koj tsis zoo pw tsaug zog. Ces koj yuav xav tias koj dhuav caij dav hlau, koj dhuav txoj kev mus kev. Tab sis koj yuav nco ntsoov tias : koj tsis yog yug los kom tau nyob hauv lub dav hlau no.
Peb tsis tau yug los kom tau nyob hauv lub ntiaj teb no, lub ntiaj teb no zoo li ua npau suav phem ib hmos nyob hauv tsev txais qhua xwb. Leej Ntshiab Aus Nkus Tis Nus hais tias : “Zoo li peb qhwv nyob hauv lub viav vias thiab raug nqa mus.” Koj raug nqa nyob hauv lub viav vias hla zej zog mus rau lwm qhov. Koj pom zej zog thiab txhua yam zoo nkauj, tab sis koj lub siab txhob qaug rau tej yam ntawd. Vim koj tsis tau yug los nyob hauv lub viav vias uas raug nqa tas mus li. Koj tab tom mus rau ib qho chaw twg, koj tab tom mus kev. Kuv xav tias peb txhua tus yuav muaj kev cia siab rau qee yam thaum peb pom tias yus ntxhov siab nyob hauv ntiaj teb no, vim txhua txhua yam nws tsis yog raws li yus xav.
Koj tsis tau yug los kom zoo siab rau txhua yam nyob hauv lub ntiaj teb no, tab sis lub ntiaj teb tab tom coj koj mus rau lwm qhov chaw. Nyob hauv phau ntawv 1Xwm hais txog Es Lias thiab tus poj vaj Is Xes Npes caum nws, nws tab tom yuav swb, nws tab tom khiav. Tab sis Tswv Ntuj tus Tshiab kuj xa txhiam xws thiab dej haus tuaj. Nws noj thiab mus ntxiv, zoo li yog ib hmos ua npau suav phem nyob hauv tsev txais qhua. Nws zoo li lub dav hlau coj peb mus rau ib qho chaw twg, nws zoo li lub tsheb uas thauj peb mus rau ib qho chaw twg, thiab peb kaj siab lug. Tsis kav peb kuj tseem nco txog lwm yam thiab. Thaum koj tab tom mus kev, koj yuav noj yuav haus, yuav npaj tej yam toob xib rau tus kheej siv lub caij mus kev. Qhov ntawd yog lub Cim Yug. Dab tsi ua kom peb mus tau ntxiv nyob hauv ntau xyoo uas peb ntsib kev txom nyem ? Yog lub Cim Yug.
Muab piv tau cov zaj uas peb nyeem ob peb zaug nyob hauv 2 lub lis piam dhau los, piv rau cov mov Mas Nas nyob hauv tiaj suab puam. Cov His Xas Lais khiav ntawm kev ua cov Hais Nkws Tos qhev, thiab lawv tseem mus tsis tau txog thaj chaw Tswv Ntuj cog lus yuav muab rau lawv. Lawv nyob qhov twg ? Lawv nyob hauv tiaj suab puam. Lawv nyob hauv lub caij mus kev, lawv zoo li nyob saum dav hlau thiab nyob hauv tsheb. Zoo li yog hmo ua npau suav phem nyob hauv tsev txais qhua. Lawv tab tom mus kev, mus kom txog lawv lub hom phiaj. Lawv xav tau dab tsi ? Lawv xav tau cov mov Mas Nas poob saum ntuj los, thiab cov mov Mas Nas zoo uas los ntawm xeem lus Hes Nplaws. Yog cov mov xws li ntiaj teb cov mov, tab sis muaj lub zog tuaj saum ntuj tuaj thiab yog dab tsi ?
Yes Xus puas tau hais rau peb tias : “Kuv yog cov mov poob saum ntuj los. Nej txiv tau noj thiab cov neeg nyob hauv tiaj suab puam twb tuag mus lawm. Kuv xav pub cov mov Mas Nas tseeb tiag rau nej.” Tam sim no peb yuav mloog ua ke : yog qhov yuav pab kom koj ua lub neej nyob tau hauv txoj kev mus kev ntev ntev thiab txhob ntsib kev nyuab siab mus txog txoj sia nyob mus li.”
Vim li cas lub ntiaj teb thiaj nyuab tag npaum no ? Vim tias koj tsis tau yug los rau tej yam no. Thaum twg txoj kev mus kev no thiaj yuav xaus. Nws xaus rau Tswv Ntuj cov lus. Tab sis yuav noj yuav haus, yuav yug tus kheej nyob hauv cov mov Mas Nas uas poob saum ntuj los. Nws yog lub Cim Yug. Nco ntsoov tias peb yug los kom tau noj cov mov Mas Nas, uas npaj peb nyob hauv txoj sia nyob mus li. Ua kom peb muaj zog nyob hauv txoj kev mus kev.
