Tswv Qhia Tagle cov lus: Tso lub siab nyob nruab nrab hauv kev tsuj xeeb xyoo ntshiab huv. (Cardinal Tagle: Placing the heart at the center of the Jubilee)
Tswv Qhia Tagle cov lus: Tso lub siab nyob nruab nrab hauv kev tsuj xeeb xyoo ntshiab huv. (Cardinal Tagle: Placing the heart at the center of the Jubilee)
“Tej zaum yuav hais tau tias kuv yog kuv lub siab, vim kuv lub siab yog qhov cais kuv tawm mus. Txhim kho tus kheej ntawm fab ntsuj plig thiab coj kuv mus koom nyob ua ke nrog lwm tus.” Lo lus no yog ib lo lus muaj zog nyob hauv Dilexit nos, yog Vaj Qhia Fas Ntshis Kus tsab ntawv luam tawm hnub tim 24 lub 10 hli. Yog tsab ntawv muaj hwj chim uas tsis nthuav dav xws li tsab ntawv Laudato Si thiab Fratelli tutti.
Txawm li ntawd kuj xij, tsab ntawv no kuj yog tus yawm sij tseem ceeb hauv kev mem Vaj Qhia cov lus.
Dilexit nos tseem muaj txiaj ntsim qab hau hauv kev ua kev nkag siab txog txhua yam xwm txheej, xws li kev sab laj hais txog lub rooj sab laj nyuam qhuav tag los thiab kev tsuj xeeb xyoo ntshiab huv 2025, uas yuav pib nyob hauv ob peb lub lis piam tom ntej no. Tswv Qhia Tagle ntawm Fis Lis Pees uas nws yog tus thawj coj fab kev tshaj lub Moo Zoo hais rau Vas Tis Kas News txog tsab ntawv tshiab no. Nws hais txog kev ntseeg thiab Yes Xus lub siab dawb huv uas nthuav tawm ntau kawg nyob Fis Lis Pees teb thiab yam uas Yes Xus tau xyaum thaum nws tseem yau.
Kev luam tawm Dilexit nos, puas ua kev poob siab rau peb ? Tom qab Vaj Qhia ob tsab ntawv Laudato Si thiab Fratelli tutti. Vaj Qhia tau tawm tsab ntawv hais txog fab ntsuj plig no. Koj tau txais tsab ntawv no zoo li cas ?
Vaj Qhia Fas Ntshis Kus yog tus Vaj Qhia uas tsim kev txawv txav, txawm tias tshaj tsab ntawv nthuav thiab nthuav tawm hais txog cov Tswv Qhia lub rooj sab laj. Tab sis kuv kuj tsis poob siab pes tsawg qhov uas Vaj Qhia tawm tsab ntawv nthuav hais txog Yes Xus txoj kev hlub uas nws tshaj rau peb. Yog lub Cim ntawm Yes Xus lub siab dawb huv. Ntawm kuv mas nws yog lub tswv yim uas Vaj Qhia ua nyob hauv kev nthuav tsab ntawv Laudato Si thiab Fratelli tutti kom meej dua. Thaum peb tau txais Yes Xus txoj kev hlub, ua kom peb pom kev kwv tij nyob hauv neeg ib yam Fratelli tutti thiab yog tus saib peb lub tsev. Laudato Si kev muab siab rau, kev ua neeg me thiab lees txais yam tsim nyog. Kuv tsim nyog hais tias kev sau thiab nthuav ntawv ntawm Vaj Qhia yog los ntawm peb txoj kev ntseeg hauv leej tib neeg thiab Yes Xus cov hauj lwm. Kuv thov kom peb nyeem Vaj Qhia ob tsab ntawv no dua ib zaug, kom tau tshawb nrhiav txoj lw los yog cov noob ntawm Dilexit nos uas muaj nyob hauv cov tsab ntawv no.
Nyob Fis Lis Pees teb, kev muab tus kheej los cev rau Yes Xus lub siab dawb huv yog qhov tsim nyog kawg thiab feem ntau yog hais txog tib neeg txhua tus.
Nws yog Tswv Ntuj cov neeg. Koj muaj kev paub txog kev cev tus kheej nyob hauv koj lub teb chaws zoo li cas ? Kev muab tus kheej cev rau Yes Xus lub siab dawb huv nws ri mus ntau kawg nyob Fis Lis Pees teb. Peb thov ua tsaug rau cov Koom Haum Txiv Plig ntau lub uas siv lub npe tias : “Lub siab dawb huv”. Lub Koom Haum Yes Xus Is thiab pab thwj tim ntawm kev teev Ntuj txhawb nqa kev cev tus kheej hauv lub Cheeb Koom Txoos, hauv zej zog, hauv tsev kawm ntawv thiab hauv yim neeg.
Dhau ntawm kev teev Ntuj thiab cov kab ke teev Ntuj thawj hnub tsib hauv lub lis piam lawm, tseem yog cov kab ke uas muaj daim duab lub siab dawb huv ntoo lub mom kub nyob hauv tsev. Peb thov Yes Xus lub siab dawb huv kom pov hwm thiab txuag peb tsev neeg nrog peb lub teb chaws hauv kev khuv leej thiab Yes Xus txoj kev hlub. Cov lus thov Ntuj no los ntawm tus uas tau raug qhov txhab hauv kev tsis ncaj ncees, kev muab hlob, kev nyiag noj nyiaj thiab kev tsis quav ntsej txog.
Cov lus thov Ntuj no tseem qhia peb lub siab tias peb tsim nyog thov Yes Xus tas mus li kom nws hloov peb lub siab zoo li nws. Niaj hnub no peb tseem hu nkauj cav txog lub Cim Yug ntawm txhua lub teb chaws nyob Mas Nis Las.
Qee zaus yog cov nkauj cav txog Yes Xus lub siab dawb huv ua xeem lus Xyis Pas Yas uas tsoom pej xeem muab lub siab cev rau Yes Xus. Zaj nkauj no tsis tau ua qhov tsis zoo nyob hauv kev nplij siab thiab ua rau kua muag poob.
Hauv tsab ntawv Dilexit nos, Vaj Qhia pom tias cov neeg zim txwv no saib zoo li tsis muaj siab ntsws thiab nws caw kom peb cov neeg ntseeg tshawb kom pom tias Yes Xus lub siab hlub peb li cas. Peb yuav ua li cas kom rov qab txhib peb kom paub txhua yam los ntawm peb lub siab ? Hauv tsab ntawv Dilexit nos, Vaj Qhia piav txog kev tshwm sim thiab cov teeb meem uas ri mus hauv tej kab lis kev cai thoob ntiaj teb. Nws cuam tshuam tsis pub peb chwv lub siab uas yog kev hlub, qhov tseeb thiab kev khuv leej uas nthuav tawm los. Kuv thov kom peb nyeem cov lus piav txog zaj teeb meem uas Vaj Qhia muab tseg rau peb, kom soj ntsuam kev ncaj ncees.
Kuv tseem nyiam qhov uas Vaj Qhia hais txog lub npe Leej Ntshiab los yog yam kuv hu ua “kev ua yeeb yam” ntawm cov Leej Ntshiab uas ua tim khawv rau peb txog kev hlub mus tsis txog Yes Xus lub siab. Thiab txoj kev hlub ntawd tau pauv lawv lub neej thiab cov hauj lwm zoo li cas ? Kuv thov kom peb saib kev ua yeeb yam thiab koom nrog kev ua yeeb yam, ces peb yuav rov nco txog kev paub peb lub siab. Tsis yog los ntawm kev xav los yog xav tsis ntxaws. Tab sis yog los ntawm kev mloog lub siab uas muaj sia nyob hauv Yes Xus lub siab uas muaj kev nyiam kev hlub.
Lub siab hu kom nco txog leej tib neeg thiab kev sib raug zoo ntawm txhua tus neeg nyob hauv lub rooj sab laj uas nyuam qhuav dhau mus. Nws tau koom nrog thiab muaj kev sib tham ntau yam nyob hauv tsab ntawv kawg. Tsab ntawv no ua kom lub luag hauj lwm zoo li tus koob coj kev mus kev ntawm lub Koom Txoos hauv kev sab laj puas mus raws li Vaj Qhia kev txhawb nqa ? Dilexit nos muaj ntau lub ntsiab lus uas yuav qhia lub Koom Txoos ua lub rooj sab laj thiab ua tub tshaj Ntuj Lus nyob hauv lub rooj sab laj Tswv Qhia uas nyuam qhuav dhau mus. Muaj kev hais dua tias lub rooj sab laj qhov kawg yog hais txog kev sib raug zoo nrog Tswv Ntuj, nrog cov txais lub Cim Ntxuav uas sib koom ua lub Koom Txoos, nrog ib tsoom neeg thiab nrog kev tsim tawm, kev rov txhawb nqa lub Koom Txoos hauv kev sab laj nrog kev tso siab, kev mloog thiab ua neeg me rau Huab Tais 3 Leeg hauv kev nyiam kev hlub.
Yog kev sib raug zoo ntawm tib neeg tsis raug ntxuav los ntawm Tswv Ntuj cov txiaj ntsim. Kev sab laj cov tub tshaj Ntuj Lus tej zaum yuav tshuav tsawg raws txoj cai xwb. Yuav tsis muaj lub siab los ntawm Leej Ntuj Plig Ntshiab uas yog nplaim taws ntawm Tswv Ntuj kev nyiam kev hlub.
Xyoo tsuj xeeb tab tom los yuav txog lawm, nws yog xyoo ntawm lub txiaj ntsim kev rov sib haum xeeb thiab kev daws tso. Xyoo ntshiab huv uas Vaj Qhia txhib hais txog kev cia siab. Tsab ntawv sau txog Vaj Qhia hais txog Yes Xus lub siab nws muaj feem txog kev tsuj xeeb uas tab tom los yuav txog no tau li cas ? Kuv pom tias kev sib txuas ntawm Dilexit nos thiab xyoo tsuj xeeb uas tab tom los yuav txog no, qhia txog kev mus kev tsim koob hmoov hauv kev cia siab. Hauv kev tshaj Ntuj Lus ntawm kev muab tus kheej cev rau Yes Xus lub siab dawb huv. Kev pib ntawm Yes Xus lub siab dawb huv coj kev hlub tuaj rau tib neeg lub siab thiab txhua leej. Tshwj xeeb tshaj yog cov tsis pom tias nws cov txhaum daws tas. Vaj Qhia Fas Ntshis Kus caw kom peb txais Yes Xus kev nyiam kev hlub nyob hauv peb lub siab thiab tso kom kev nyiam kev hlub ntawd ntws tawm mus, txhob cheem Yes Xus kev nyiam kev hlub tsis pub tawm mus rau lwm tus thiab zej zog. Dilexit nos yog qhov chaw khaws txhua yam ntawm fab ntsuj plig thiab kev tshaj lub Moo Zoo uas muaj nqis hauv kev tsuj xeeb. Kom tau npaj peb txhua leej ua cov tsim koob hmoov faib Yes Xus txoj kev hlub rau lwm tus. Kev nyiam kev hlub uas tso lub siab ntawm kev ntshai, kev muab hlob, kev tsab ntse, kev tsis quav ntsej, kev pauj kua zaub ntsuab thiab tag kev cia siab. Yes Xus hlub peb, ces peb thiaj muaj kev cia siab.
