ZAJ NYEEM HNUB TIM 17 LUB 10 HLI 2025
HNUB NCO TXOG LEEJ NTSHIAB IS NYAS XYUS NYOB AS NTHIAS KIAS
COV LUS NYOB HAUV LUS KAS NTAWV MOO ZOO (LK 12: 1-7)
Kwv tij sawv daws, Huab Tais Yes Xus txhib cov thwj tim, nrog rau peb tsoom ntseeg sawv daws siab, kom peb tsis txhob ua neeg siab nkaus li cov Fas Lis Xais, lawv tsuas ua zoo sab nraud rau luag tej qhuas xwb, tsis yog ua zoo tawm hauv lub siab los, tsis yog txoj kev zoo los ntawm Tswv Ntuj txoj kev hlub neeg, lawv tsuas coj cai nruj sab nraud kom luag tej qhuas lawv xwb, tiam sis, nyob rau hauv lawv lub neej lawv tsis txawj hlub neeg. Li ntawd Huab Tais Yes Xus thiaj txhib peb sawv daws siab kom txhob xyaum coj zoo li cov Fas Lis Xais no, uas lam ua zoo sab nraud xwb, vim tsis muaj ib yam zais ntshis uas Tswv Ntuj yuav tsis paub. Li ntawd, peb tsoom ntseeg yuav tsum coj kom ncaj coj kom tus, ua qhov zoo tawm hauv yus lub siab los, thiab ruaj siab rau yus txoj kev ntseeg, tso siab rau Huab Tais Yes Xus, thiab tshaj txog lub Moo Zoo rau luag tej, txhob ntshai tus uas tua tau peb lub cev, tiam sis tua tsis tau peb tus ntsuj plig, tiam sis, peb yuav tsum txawj ntshai tus uas tua tau peb tus ntsuj plig thiab pov peb rau hauv hluav taws.
Nyob zoo sawv daws.
