Zaj nyeem hnub tim 18 lub 5 hlis 2026
Hnub nco txog Leej Ntshiab Vaj Qhia Zam
Cov lus nyob hauv Zam Ntawv Moo Zoo (Z 16: 29-33)
Kwv tij sawv daws, lub Moo Zoo hnub no cov thwj tim hais rau Huab Tais Yes Xus tias, Huab Tais tau hais meej tseeb kawg kawm, tsis tas yuav nug dab tsi txog Huab Tais Yes Xus ntxiv, vim cov thwj tim ntseeg lawm tias, Huab Tais Yes Xus yog Tswv Ntuj nyob rau hauv peb lub neej, Huab Tais Yes Xus cov lus hais rau peb, yog Tswv Ntuj lo lus, zoo yam li cov lus uas peb tau nyeem thiab tau mloog nyob hauv thaj txi Ntuj. Nyob rau hauv peb kev teev Ntuj, muaj ntau zaus peb tsis to taub peb tsis to taub txog Huab Tais cov lus uas nws hais rau peb, Huab Tais xav kom peb ua dab tsi. Tab sis thov kom peb ua neeg me los txais Huab Tais cov lus. Huab Tais hais tias, nyob rau ntiaj teb no, peb yuav ntsib kev txom nyem, kev ceeb laj ntau tsav ntau yam, tiam sis, peb tsis txhob ntaus siab yau, vim tsis ntev peb yuav tau txais kev zoo siab thiab kaj siab nyob hauv Tswv Ntuj lawm.
Nyob zoo sawv daws.
