ZAJ NYEEM HNUB TIM 20 LUB 9 HLI 2025
HNUB NCO TXOG LEEJ NTSHIAB AS NRES KIM, THIAB COV TIM KHAWV KOS LIM
COV LUS NYOB HAUV LUS KAS NTAWV MOO ZOO (LK 9: 23-26)
Kwv tij sawv daws, kev ua Huab Tais Yes Xus ib tug thwj tim yuav tsum siv zog heev, Huab Tais tsis tau cog lus tias, kev raws Yes Xus yuav yooj yim, thiab yuav tau zoo nyob, tiam sis, qhov Huab Tais cov lus rau peb yog txoj sia nyob mus li. Yog tias peb ntseeg thiab tso siab ces peb yuav tau txoj sia nyob mus li los ua peb tug. Tab sis, peb yuav tsum lees txais kev txom nyem uas peb yuav ntsib nyob rau hauv ntiaj teb no ua ntej tso, nyob rau ntawm kev ua Huab Tais Yes Xus ib tug thwj tim.
Lub ntuj nyem no qhia kom neeg ntiaj teb nyiam kev tau zoo noj tau zoo nyob, uas qee zaus kuj ua rau neeg tau zoo dhau. Hos Huab Tais Yes Xus qhia kom peb yuav tsum tiv kev txom nyem, vim nyob rau hauv txoj kev txom nyem ntawd uas rau peb tau kawm thiab tau paub qhov tseeb ntau yam nyob rau hauv peb lub neej.
Nyob zoo sawv daws.
