ZAJ NYEEM HNUB TIM 25 LUB 10 HLI 2025
HNUB XYA LIS PIAM 29 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 13: 1-9)
Nyob zoo saw Kwv tij sawv daws, nyob rau hauv zaj no, Huab Tais Yes Xus muab ob qho xwm txheej loj uas tau tshwm sim tuaj dhau los nyob rau hauv haiv His Xas Lais, uas sawv daws yeej tau paub tau hnov lawm, coj los ua piv txwv qhia tsoom sid. Huab Tais hais tias : “Yog leej twg tsis hloov nws lub siab, thiab tig los yuav lub siab tshiab, tig los ua zoo, mas qhov kawg nws yuav raug kev piam sij ib yam nkaus. Vim tias, kev coj lub neej taug hauv kev ua txhaum ua npam, ces qhov kawg yeej raug kev piam sij xwb, nws tus ntsuj plig yuav nrhiav tsis tau kev dim. Huab Tais Yes Xus kuj tau piav ib zaj paj lug txog cov neeg uas coj lub neej nyob hauv kev ua txhaum ua npam, zoo yam li tsob txiv ncuav pias uas tsis tsi txiv, ces tus tswv teb yuav muab ntov pov tseg. Tab sis, Huab Tais Yes Xus tseem thov Tswv Ntuj zam txim rau peb thiab thov pub lub sij hawm rau peb, saib peb puas yuav tig los yuav lub siab tshiab thiab mloog Tswv Ntuj cov lus, saib peb puas kam tig los coj lub neej taug Tswv Ntuj txoj kev, saib peb puas txawj tawg paj txi txiv.
Kwv tij phooj ywg, zaj lus no kuj yog ib zaj lus zoo txhib peb siab kom peb txawj thim xav, thaum peb yuav kev lawm, peb kav tsij hloov peb lub siab sai thiab thov Ntuj zam txim txhaum rau peb, peb xyiv fab los ua zoo thiab qhib peb lub siab los txais Tswv Ntuj lub Moo Zoo, uas yog Tswv Ntuj txoj kev hlub thiab nws txoj kev khuv leej neeg. Ces peb thiaj yuav tau txais kev dim.
Nyob zoo sawv daws.
