ZAJ NYEEM HNUB TIM 3 LUB 9 HLI 2025
HNUB NCO TXOG LEEJ NTSHIAB VAJ QHIA NQES NKOS LIS
COV LUS NYOB HAUV LUS KAS NTAWV MOO ZOO (LK 4: 38-44)
Kwv tij sawv daws, nyob rau ntawm Lus Kas, mas Huab Tais Yes Xus yog ib tug kws kho mob sab ntsuj plig, tab yog Pob Zeb niam tais mob kub cev hnyav heev, tsuas yog Huab Tais Yes Xus khoov mus saib nws thiab ntiab tus mob kom tawm hauv tus neeg mob, ces tus mob cias li zoo lawm. Thaum lawv pom li ntawd, lawv coj cov neeg mob coob leej hauv lub nroog Kas Fas Naus tuaj cuag Huab Tais Yes Xus, ces Huab Tais Yes Xus kuj kho lawv puav leej zoo tas txhua tus huv tib si. Tab yog cov raug dab los lawv kuj coj tuaj rau Huab Tais Yes Xus, ces Huab Taus Yes Xus ntiab cov dab puav leej tawm hauv cov neeg raug dab ntawd tib si. Cov dab ntawd paub Huab Tais Yes Xus yog leej twg, dab hais tias “Peb paub koj, koj yog Tswv Ntuj Leej Tub Ntshiab.”
Huab Tais Yes Xus kuj txwv tsis pub cov dab ntawd hais dab tsi ntxiv. Vim nws tsis yog cov dab li hauj lwm uas yuav tshaj txog Huab Tais Yes Xus lub npe. Yog cov thwj tim lub luag hauj lwm. Li ntawd, cov uas tau txais kev cawm, thiaj yuav tsum tshaj txog Huab Tais Yes Xus lub npe, thiab tshaj tias “Yes Xus yog Tswv Ntuj Leej Tub.” Yog tus Huab Tais muaj hwj huam tiag, kom peb tshaj txog Huab Tais lub npe nyob rau hauv peb txhua txhia hnub, vim peb yog Huab Tais Yes Xus cov thwj tim.
Nyob zoo sawv daws.
