Zaj nyeem hnub tim 9 lub 5 hlis 2026
Hnub Xya, Lis Piam 5 caij Hla
Cov lus nyob hauv Zam Ntawv Moo Zoo (Z 15: 18-21)
Kwv tij sawv daws, nyob rau hauv zaj no, Huab Tais Yes Xus qhia tias : yog thaum muaj neeg thuam peb hiam peb, mas peb txhob ntshai, thiab peb txhob qaug thiab txhob tag kev cia siab, vim tias lawv yeej xub ua li ntawd rau Huab Tais Yes Xus thiab cov Leej Ntshiab uas ua peb ntej lawm. Peb yuav zoo siab, vim peb ua raws li Huab Tais Yes Xus lub Moo Zoo. Peb thiaj raug luag thuam, raug luag ntxub, vim luag tsis paub peb tus Tswv.
Huab Tais Yes Xus yeej xub hais ua ntej lawm tias, yog lawv hiam kuv, mas lawv yuav hiam nej thiab, vim neej ua raws li kuv lub Moo Zoo, yog lawv ua raws li kuv cov lus, mas lawv kuj yuav mloog nej cov lus thiab.
Kwv tij sawv daws, thov kom peb zoo siab tias, peb yog Yes Xus cov thwj tim, peb tab tom taug Yes Xus txoj kev, taug nws txoj qub lw, thov kom peb txhob tag kis cia siab mog. Peb kav tsij kub siab tshaj txog Yes Xus lub Moo Zoo rau ntiaj teb neeg ntxiv mus. Peb tsis txhob txhawj tsis txhob ntshai, vim peb muaj Huab Tais Yes Xus nyob peb tog, nws sawv nruab nrab peb, ces peb yuav muaj yeej.
Nyob zoo.
