Nyob hauv cov thaj tsam com kawb nyob Nyab Laj qaum teb hauv lub xeev Hà Giang, yog tej chaw uas tsis muaj kev txhim kho, tab sis nws cia li rais ua chaw ncig tsham ntawm ib zeej tsoom neeg. Tam sim no yog qhov chaw sib txeeb heev zuj zus ntawm kev ua lub neej hauv cov haiv neeg, thiab pas dej tauv hluav taws xob tab tom muaj ceem. Vim nyob hauv txhua txhua xyoo lub xeev Ha Giang rub tau cov neeg ncig mus tsham li ntawm ntau plhom leej. Cov neeg nyob ntawm tus ntug dej Nho Que, thiaj ntsib ib yam kev txawv txav loj los ntawm kev tauv lub pas dej hluav taws xob. Ua rau lawv lub neej pauv ntxeev thiab tej yam zoo nkauj tog nyob hauv qab thu dej, thiab tav lawv txoj kev ntes ntses uas ib txwm lawv muaj los. Yog vim kev ncig tsham teb chaws yog ib qhov kev lag luam uas tseem ceeb, thiab yuav pab txhawb nqa tau kev lag luam nyob hauv lub xeev kom vam meej rau xyoo 2025. Cov neeg nyob cheeb tsam ntawd yuav tsum tiv nrog 2 yam teeb meem thiab kev tshais chaw. Chim siab rau kev txhim kho tej roob hav thiab kev ua lub neej li thaum ub, ua rau cov neeg yuav tsum tau tiv ntau yam hauv lub xeev Ha Giang txog yav tom ntej. Tsoom pej xeem tej kev lag luam kuj hloov, vim cov neeg txawv teb chaws tuaj ncig tsham. Cov neeg ncig tsham lawv sawv siab siab ntsia pom tus niam dej nyob puag hauv. Lawv thiaj nqes mus txog hauv tus niam dej thiab sim caij nkoj. Tej yam no yog kev txhawb nqa zej zog kom lawv txawj siv tus niam dej kom muaj txiaj ntsim qab hau, thiab txhim kho kev khiav nkoj.
