Vaj Qhia ua tsaug rau kev nyob sib ze thiab thov kom sib pab thov Ntuj rau kev thaj yeeb.

Vaj Qhia ua tsaug rau kev nyob sib ze thiab thov kom sib pab thov Ntuj rau kev thaj yeeb.

Cov lus nyob hauv Angelus uas yog Vaj Qhia Fas Ntshis Kus sau nyob hauv tsev kho mob, thiab Vas Tis Kas muab tshaj tawm. Vaj Qhia ua tsaug rau cov neeg ntseeg uas sawv daws nyob ze nws, lub caij nws muaj mob tsis muaj zog. Thov kom cov neeg ntseeg thov Ntuj pub kev thaj yeeb rau lub ntiaj teb ntxiv mus, ib yam li sawv daws thov Ntuj pab Vaj Qhia.

Vaj Qhia hais tias : “Txij no mus, saib zoo li tsov rog haj yam tsis muaj qab hau.” Tshwj xeeb thaj yog thov kom sawv daws sib pab thov Ntuj rau Us Khas Zis Nas, Pas Les Tis Nas, His Xas Lais, Lis Npaas, Mias Mas, Xus Das thiab Kis Vus. Kom cov teb chaws no tau nyob thaj yeeb.

Vaj Qhia kuj ua tsaug rau cov kws kho mob thiab cov neeg ua hauj lwm kho mob, uas lawv tau muab siab rau saib xyuas Vaj Qhia zoo heev. Vaj Qhia rov xav thiab mloog nws tus mob tias : “Tej lub caij zoo li no, mas yog lub sij hawm uas yus yuav tau kawm kom paub txog kev tso siab rau Tswv Ntuj kom ntau dua qub.” Vaj Qhia ua Tswv Ntuj tsaug uas tau pub nws faib lub cev ntaj ntsug thiab tus ntsuj plig ntawm cov neeg mob thiab cov raug kev txom nyem. Qhov kawg Vaj Qhia zoo siab txog cov lus thov Ntuj uas tawm ntawm cov neeg ntseeg nyob thoob ntiaj teb lub siab tuaj.