Caritas Yes Lus Xas Les zoo siab lees txais nqe lus cog hais txog kev thaj yeeb nyob GAZA, thiab lawv cog lus tias yuav pab txhim kho tib neeg lub neej. Pab neeg saib xyuas tib neeg kev ncaj ncees thov kom ua raws li cov lus cog
Caritas Yes Lus Xas Les zoo siab lees txais nqe lus cog hais txog kev thaj yeeb nyob GAZA. Lawv hais tias yog lub Cim ntawm kev cia siab uas tos los ntev, tom qab kev piam sij nyob hauv ntau lub hlis. Txij hnub tim 22 lub 9 hlis xyoo no los, kev tsiv teb tsaws chaw nyob GAZA ua rau Caritas Yes Lus Xas Les tso tseg tsis ua hauj lwm hauv 5 lub tsev kho mob. Cov tsev kho mob me me muaj tas nrho 10 lub nrog tau lub tsev kho mob loj. Tab txawm ntsib kev txhawj xeeb, tsis kav Caritas 102 tus neeg tseem ua hauj lwm nyob Wadi Gaza qab teb. Lawv ua hauj lwm nyob hauv 5 lub tsev kho mob uas tseem qhib kho mob. Tsis tas li ntawd, tseem qhib 3 lub tsev kho mob tshiab ntxiv nyob Wadi Gaza, kom tau nthuav tawm cov hauj lwm tib neeg kev ncaj ncees ntxiv mus.
Anton Asfa uas nws yog tus lwm thawj tswj Caritas Yes Lus Xas Les kaj siab thiab muaj kev cia siab, tom qab tso tseg kev sib ntaus rog thiab tso cov neeg raug ntes ntawm ob tog. Tswv Qhia Pierbattista Pizzaballa tus Tswv Qhia ntawm Latin Yes Lus Xas Les thiab tus thawj tswj Caritas Yes Lus Xas Les hais txog kev tso tseg kev sib ntaus rog tias : “Yog lub moo zoo” thiab yog thawj kauj ruam uas yuav ua kom muaj kev tso siab thiab kev cia siab ntawm cov His Xas Lais thiab cov Pas Les Tis Nas.
