Cov Salesians nyob Don Bosco hauv lub xeev Gujarat tau pib kev qhia kom paub nyob hauv 100 hnub, kom tau rhuav tshem kev sib yuav thaum tseem yau. Vim nws yog teeb meem sib kis nyob Is Ntias teb, tab txawm muaj txoj cai txwv kuj xij.
Cov hauj lwm hauv kev pib no, yog ua txij hnub tim 1 lub 11 hlis 2025 mus txog hnub tim 26 lub 1 hlis 2026. Lub hom phiaj yog kom tau qhia kev paub rau tsoom pej xeem hais txog teeb meem sib yuav thaum tseem yau. Thiab txhawb nqa kev muaj feem cuam, kev sib koom tes ntawm tsoom pej xeem txhua fab uas muaj feem cuam txog qhov tau thiab qhov poob. Lawv lub hom phiaj yog rhuav tshem kev sib yuav thaum tseem yau kom tsis pub muaj ntxiv. Tab txawm Is Ntias txoj cai yuav teeb lub hnub nyoog sib yuav 18 xyoo ntawm cov ntxhais hluas thiab 21 xyoos ntawm cov tub hluas. Tsis kav cov ntaub ntawv ntawm UNICEF, ua kom pom tias Is Ntias teb tseem yog lub teb chaws uas cov tub ntxhais yau yau raug yuam kom sib yuav, ua ntej lawv lub nyoog tsis tau txog coob tshaj. Muaj tshaj 200 plhom leej thiab tseem muaj coob leej nyiag sib yuav tsis pub lwm tus paub.
Cov hauj lwm no yog npaj ua nrog lub Koom Haum txhim kho zej zog “Just Rights for Children”, tau qhib yam raug cai hnub tim 13 lub 10 hli xyoo 2025.
Nyob hauv 3 thaj tsam hauv lub xeev Gujarat.
