Txij thaum txoj cai koom tshaj sib tawg hauv tiam 20 yuav luag tas, muaj kev pauv ntxeev zaum loj kawg hauv kev tseev tsim, kab lis kev cai thiab kev lag luam hauv ntau lub teb chaws nyob thoob ntiaj teb. Thaum ntsib teeb meem hauv kev lag luam thiab kev teev hawm, mas ntau lub teb chaws chim siab kawg. Tej kev chim siab no, pom meej tseeb nyob hauv ntiaj teb kev sib xa xov thiab zej zog kev sib xa xov. Cov tub xov xwm txhawb nqa kev nyob sib ze no, tseem muag tej lus uas tsim kom muaj kev ntxub ntxaug, kev ntshai tiv cov neeg thoj nam thiab kev phem hauv tsov rog thiab.
Kev nkag siab txog txoj hauj lwm ua tub xov xwm, qhov tsim nyog tshaj tawm, tsis yog kev sib thuam. Soj ntsuam, tsis yog ua plaub ntug. Tab sis cov tub xov xwm feem coob xaiv kev sib thuam, vim saib zoo li neeg nyiam dua. Cov tub xov xwm tsim nyog xaiv qhov ntiaj teb nyiam ntau dua yam uas lawv xaiv, xws li qhib kev dav txais txhua yam xov xwm, txhawj xeeb txog tib neeg kev txom nyem thiab ua ncaj ncees txog kev txiav txim siab ntawm cov tseem hwv. Ib qho uas txhawj xeeb, yog tsis muaj qhov ua zoo xav nyob hauv tej xov xwm thiab tej xov xwm cuav. Kev vam meej ntawm AI, ua rau muaj duab cuav, suab cuav thiab ua tau xyam (Video) yooj yim. Kev xa xov hauv zej zog li no, ua rau muaj teeb meem ntau kawg rau cov neeg nkag mus saib. Thiab ua kom nkag siab tias dab tsi yog tseeb thiab dab tsi yog cuav tau nyuab kawg.
