Tseem hwv Suav txwv tsis pub cov Txiv Plig Kav Tos Liv qhia kev ntseeg thiab tsis pub qhia nyob hauv Online

Txoj cai tshiab ntawm lub pwm tsav kev teev hawm Suav, tau tawm txoj cai tshiab uas txwv tsis pub qhia kev ntseeg nyob hauv Online. Tsis hais cov thawj coj txhua txoj kev teev hawm thiab cov Txiv Plig Kav Tos Liv huv tib si. 

Txoj cai tshiab nyob hauv Internet rau cov thawj coj kev teev hawm, nws muaj 18 nqe lus. Hauv cov lus teeb tseg, yog cov thawj coj hauv kev teev hawm yuav tsum nyiam daim av Suav, txhawb nqa Suav tus thawj coj thiab txoj cai koom tshaj. Cov thawj coj hauv kev teev hawm raug txwv tsis pub qhia kev ntseeg thiab ua lwm yam kab ke hauv kev tso tawm, xws li cov xyam luv luv los yog Video thiab tsis pub sib koom teev Ntuj nyob Online.

Cov Txiv Plig ua li ntawd tau nyob hauv cov tsev vas los yog Website, Application thiab Forums uas tseem hwv npaj tseg raug cai los ntawm fab kev teev hawm. Hauv cov tsev qhia kev ntseeg, tsev teev Ntuj thiab cov tsev teev hawm, yuav tsum tau txais lus tso cai ntawm cov tseem hwv Suav. Dhau no lawm, thaum twg kuj xij uas siv Social Media los yog Application xa lus los yog xa ntaub ntawv, mas cov Txiv Plig yuav tsum rho daim ntawv nce npe hauv kev ntseeg. Nyias yuav cev daim ntawv ntawd rau nyias tus tswv Internet