Tus mlom Niam Mab Liab Fas Tis Mas yuav raug nqa mus rau Los Mas, kom tau ua cov kab ke tsuj xeeb txwm 100 xyoo ntawm Niam Mab Liab tus ntsuj plig
Vim txwm 100 xyoo ntawm Niam Mab Liab tus ntsuj plig, uas yuav npaj ua cov kab ke tsuj xeeb rau hnub tim 11-12 lub 10 xyoo no, mas tus mlom Niam Mab Liab Fas Tis Mas yuav raug nqa mus rau Los Mas. Tus mlom Niam Mab Liab nto npe uas cov neeg ntseeg nyob thoob ntiaj teb paub thiab yog lub Cim ntawm “kev cia siab tsis ua kom tag kev cia siab”, yuav nyob nruab nrab hauv cov neeg ntseeg uas mus koom thaj txi Ntuj nyob hauv vaj loog Leej Ntshiab Pob Zeb. Hnub Chiv tim 12 lub 10 hli, thaum 10.30 teev sawv ntxov. Ua kom tau txhab kev teev Ntuj thiab kev rov xav txog tus kheej ntau dua qub tuaj. Nov yog zaum tim 4 uas tus mlom Niam Mab Liab nyob Fas Tis Mas yuav raug nqa mus txog Los Mas. Qhov no yuav tshwm sim tau yog thaum Vaj Qhia thov xwb. Thawj zaug uas tus mlom Niam Mab Liab raug nqa mus txog Los Mas, yog xyoo 1984. Vim yog txwm 100 xyoo ntawm kev them txim txhaum. Yog thaum Vaj Qhia Zam Paj Lug Ob muab lub ntiaj teb no cev rau Niam Mab Liab lub siab hnub tim 25 lub 3 hlis. Zaum ob yog xyoo zoo xyoo 2000. Zaum peb yog lub 10 hli xyoo 2013, xyoo kev ntseeg thiab Vaj Qhia Fas Ntshis Kus.
