Tus tiam lis thov kom cov tsev kawm ntawv Kav Tos Liv Thaib, pov hwm tus kheej thiab ua qhov chaw ntawm kev cia siab

Tswv Qhia Peter Bryan Wells uas yog Vaj Qhia tus tiam lis nyob Thaib teb, tau thov kom cov tsev kawm ntawv Kav Tos Liv ruaj nreb hauv tus kheej thiab ua cov hauj lwm uas yog qhov chaw cia siab ntawm tsoom pej xeem Thaib.

Tswv Qhia tau taij thov nyob hauv lub rooj sab laj loj nruab xyoos tim 54, ntawm cov tsev kawm ntawv Kav Tos Liv nyob Thaib teb (CECT), Hnub Chiv dhau los no nyob hauv lub nroog Pattaya. Tus tiam lis hais rau cov thawj coj fab kev kawm ntawv Kav Tos Liv kwv yees 500 leej tias : nws qhuas kev kawm nyob Thaib teb tias; yog tej kab lis kev cai uas tseem muaj nyob, thiab yog qhov qhia tsoom pej xeem, cov thawj coj thiab cov neeg txawj ntse los ntau tiam neeg. Tus tiam lis nco txog kev txhawj xeeb ntau ntau yam, xws li kev yug me nyuam tsawg thiab kev sib tw nce siab tuaj. Nws txhib tias qhov tseem ceeb tshaj ntawm cov tsev kawm ntawv Kav Tos Liv, yog Kav Tos Liv tus kheej. Nws hais txog Vaj Qhia Fas Ntshis Kus thiab Vaj Qhia Npes Nes Dis 16 cov lus. Nws txhim kom cov tub kawm hauv cov tsev kawm Kav Tos Liv xyaum ua neeg zoo txhij txhua. Yog lub tswv yim, tus yam ntxwv thiab fab ntsuj plig.