Zaj nyeem hnub tim 27 lub 4 hlis 2026
Hnub Ob, Lis Piam 4 caij Hla
Cov lus nyob hauv Zam Ntawv Moo Zoo (Z 10: 1-10)
Kwv tij sawv daws, lub moo zoo hnub no, rov qhia ntxiv txog Huab Tais Yes Xus lub luag hauj lwm ib zaug ntxiv tias, Huab Tais nqes saum Ntuj los, nws yug los ua neeg kom tau cawm lub qab ntuj neeg sawv daws raws li Leej Txiv tau txib nws. tus twg los nws thiaj coj raws li Yes Xus cov lus qhia tus ntawd tau txoj hmoov zoo, vim nws yuav tau Tswv Ntuj lub Ceeb Tsheej los ua nws tug. Huab Tais muab peb tsoom ntseeg piv rau cov me nyuam yaj uas nws yug, nws saib xyuas zoo, thiab muaj kev tso siab rau nws, muaj kev sib swm nrog tus Tswv. Peb tsoom ntseeg peb yuav tsum nquag teev Ntuj nquag mloog Yes Xus lub Moo Zoo thiab coj rawv Huab Tais cov lus qhia nyob rau hauv peb lub siab tas mus li, mas peb thiaj yuav muaj kev swm nrog peb tus Tswv, vim peb lub neej muab khi rau Tswv Ntuj lawm, peb muaj Huab Tais nyob nruab nrab peb, ces peb tsis ncoj txhawj tsis nco ntshai dab tsi ntxiv.
Nyob zoo sawv daws.
