Xov Xwm Koom Txoos

Tom qab 4 xyoos ntawm tus Txiv Plig Yes Xus Is txoj kev tuag, uas nws tau muab tus kheej los pab txuag tsoom pej xeem tej av nyob Is Ntias teb. Lub yeej pab cuam neeg Bagaicha uas nws txhim nyob hauv lub xeev Jharkhand tseem taij txoj cai rau cov neeg pluag ntxiv mus.

Kev sib tua ntawm ciam teb, ua rau tsoom pej xeem ntau txhiab leej khiav tawm ntawm ciam teb Thaib thiab Khas Phus Chas. Cov thawj coj ntawm lub Koom Txoos taij thov kev thaj yeeb.

Lub Koom Haum Caritas Bangladesh uas yog lub Koom Haum fab neeg kev ncaj ncees thiab kev txhim kho zej zog ntawm lub Koom Txoos Kav Tos Liv. Npaj cov hauj lwm cog xyoob ntoo nyob hauv cov pov txwv ze ntug dej Bhasanchar, vim yog hnub txhua yam nyob ib puag ncig hauv xyoo 2025.

Muaj 7 tus neeg ntseeg raug xa mus rau tsev kho mob, tom qab lawv rau ib pab neeg phem Hinduism ntaus. Lawv raug ntaus thaum lawv tab tom taug kev rov ntawm lub tsev teev Ntuj hauv lawv lub zos Orissa. 

Xov Xwm hauv lub Koom Txoos. Tim 19 lub 7 hli 2025 (News from the world and the Church)

Cov Tswv Qhia nyob Zis Pees teb txhawj xeeb txog qhov rov qab muaj tsov rog thiab kev siv tub rog nyob thoob ntiaj teb. Lawv ceeb toom txog kev phem rov qab los uas hais tias cuam tshuam tib neeg kev ncaj ncees, yog kev txuag tus kheej. 

Lub Cheeb Koom Txoos Xes Us zeem tseeb txog kev cog lus hauv kev thaj yeeb ntawm lub hiav txwv Kos Lim nyob hauv lub thaj txi Ntuj, thiab kev sab laj uas tsa nyob hauv hnub tim 22 lub 6 hlis no. Hais tau tias yog txwm 3 tiam neeg ntawm kev sib haum xeeb.

Vas Tis Kas txhawb nqa tsab ntawv taij thov kev daws kho nyiaj txiag, kom tau daws teeb meem nuj nqis nyob ntiaj teb uas ua kev kub ntxhov rau tsoom pej xeem ntau txhaib plom leej nyob hauv cov teb chaws tab tom txhim kho. 

Muaj neeg chua hoob pob tua tus kheej nyob hauv cov Hes Laas Orthodox ib lub tsev teev Ntuj nyob Das Mas Kas, Hnub Chiv dhau los no. Ua rau muaj neeg tuag 30 leej thiab raug mob 90 leej nyob hauv lub thaj txi Ntuj yav tsaus ntuj. 

Tswv Qhia Olivier Schmitthaeusler uas yog tus Tswv Qhia nyob Phnom Penh, Thov kom cov neeg ntseeg Kav Tos Liv nyob Khas Phus Chas yoog raws Leej Ntshiab Carlo Acutis txoj kev ntseeg thiab kev ncaj ncees. 

Xov Xwm hauv lub Koom Txoos. Tim 12 lub 7 hli 2025 (News from the world and the Church)

Ib tug Leej Phauj Kav Tos Liv Thaib, uas nws yog qhov sawv daws paub hauv lub tswv yim me me, tab sis yog tiv kev ua luam neeg. Nws tau txais kev qhuas hauv lub teb chaws hais txog nws cov hauj lwm ua pab cov neeg pluag nyob hauv tej qhov chaw deb nroog, nyob Thaib qaum teb. 

Gabriel Sanata Putra nws muaj 17 xyoo, nws tab tom nce mus ua ib tug Puppeteer uas zoo heev nyob Ntsas Vas nruab nrab. Nws muab siab rau txog kev kos duab thiab kab lis kev cai nyob Ntsas Vas yam kawg siab kawg ntsws, nws ua lub neej mus raws kev ntseeg Kav Tos Liv khov kho. 

Kev sab laj yog 3 hnub ua ke. Lub rooj sab laj npaj nyob hauv lub tsev teev Ntuj Ntshiab hauv lub nroog Kota Kinabalu hauv lub 5 hlis. Muaj cov sawv cev tuaj ntawm lub Cheeb Koom Txoos Kota Kinabalu, lub Cheeb Koom Txoos Keningau thiab lub Cheeb Koom Txoos Sandakan tuaj sib sau li ntawm 600 leej.

Kav Tos Liv cov thawj coj lag luam nyob Thaib teb thiab Fis Lis Pees teb tuaj sib sau kawm qhia nyob hauv lub tsev Phu Waan, hnub tim 7-8 lub 6 hli no. kom tau sib koom nyob hauv thawj cov hauj lwm txhawb nqa lub tswv yim hauv kev lag luam Kav Tos Liv. Yog thawj yam hauj lwm pib cog tshiab, uas yuav txhim kho kev ua tus coj hauv kev lag luam kom haum nrog cov neeg ntseeg.

Xov Xwm hauv lub Koom Txoos. Tim 5 lub 7 hli 2025 (News from the world and the Church)

Tswv Qhia Wuthilert Haelom nyob Chiangrai hais tias : “Kev ua cov hauj lwm kev ntseeg hauv tsev loj faj, tsis yog kev pab neeg xwb. Nws tseem yog kev ua tawm hais txog Tswv Ntuj kev khuv leej thiab.”  

Hnub uas lub Koom Txoos cev nws nyob hauv kev mus tsham ntawm Mab Liab. Vaj Qhia yog tus tswv cuab ntawm kev kos duab 11 tug nyob hauv lub tuam tsev teev Ntuj hwm Leej Ntshiab Pob Zeb. Ib tug nyob hauv yog ib tug Txiv Plig Nyab Laj. Vaj Qhia cov lus txhib lawv tias : “Nej tsis yog tus thawj coj, tab sis yog tus saib xyuas.” 

Thaib teb kaw ciam teb Khas Phus Chas, ua rau tsoom pej xeem khuam li ntawm 10 tawm leej.

Hais txog Txiv Plig John Mi Shen, uas nws yog tus thawj coj ntawm Radio Veritas Asia (RVA), mas tsis ntev tag los no nws tau hais rau Sunday Examiner tias : “AI tuaj yeem siv tau txiaj ntsim qab hau hauv kev tshaj ntuj lus, ib yam li lwm txoj kev sib xa sov thiab.” Tsis ntev los no, nws raug xaiv ua tus lwm thawj tswj fab kev sib xa xov rau ib zeej tsoom neeg ntawm Federation of Asian Bishop’s Conferences (FABC).