Vaj Qhia Fas Ntshis Kus lub cuab tam.
Vaj Qhia Fas Ntshis Kus tau tag sim neej lawm. Vas Tis Kas tshaj cov xov xwm no tias Vaj Qhia ua yog tus Tswv Qhia nyob Los Mas, nws lub hnub nyoog muaj 88 xyoo. Nws rov qab mus hauv Tswv Ntuj lub tsev lawm.
Vaj Qhia Fas Ntshis Kus tawm tuaj rau ib zeej tsoom neeg yam sai kawg, kom tau foom hmoov zoo rau cov neeg ntau txhiab leej nyob hauv lub tshav puam hwm Leej Ntshiab Pob Zeb. Dhau ntawd, nws kuj caij tsheb Mobile hla lub tshav puam mus. Vaj Qhia tus mob ntsws zoo me ntsis, nws nyob hauv tsev kho mob 5 lub lis piam thiab tawm hauv tsev kho mob los tsis tau nto ib lub hlis rau lub hli tag los.
Lub neej thiab lub cuab tam ntawm Vaj Qhia Fas Ntshis Kus yog zoo li cas ? Nws yog tus Vaj Qhia uas sau tas cov me nyuam dhia zoo siab nyob saum nws lub tsheb. Nws yog tus Vaj Qhia uas sov siab thiab ib txwm ua neeg me. Nws ua kom ntiaj teb pom txog hnub nws raug xaiv ua Vaj Qhia nyob hauv xyoo 2013. Kom tau thov koob hmoov, nws hnav ces khaub ncaws tshaj sab dawb thiab muaj tus Ntoo Cuam hlau uas tsis yog tsos kub raws li kev cai. Tsis yog qhov txawv ntawm tus txiv neej ua Tswv Qhia nyob hauv ib kem tsev me me. Nws zaum tsheb ntiav khiav hauv qab npoo av thiab nws ua nws noj. Vaj Qhia nkag siab txog ib tsoom neeg lub neej, vim nws kuj yog neeg dog dig thiab xwb. Yog neeg dog dig uas muaj txoj hauj lwm tshwj xeeb, nws hais meej tias : “Kuv kuj yog ib tug neeg nyob hauv nej.”
Tab sis nws tau ua rau coob leej neeg ceeb, vim nws ua qhov ncaj ncees nyob hauv kev sib txeeb sib tsawg. Nws hais lus tiv thaiv kev nias tsam nyob Us Khas Zis Nas. Nws xyav moo txog cov tsis siv ntaub npog qhov ncauj lub caij tus kab mob COVID-19 sib kis. Nws hu cov neeg nyiam yug tsiaj dua me nyuam ua cov neeg siab twm xeeb pom txog tus kheej xwb. Thiab nws yog thawj tug Vaj Qhia hais lus nyob hauv lub pwm tsav. Nws thov kom As Mes Lis Kas qhib siab txais cov neeg thoj nam thiab zam lub txim tua neeg.
Tsis pes tsawg lub hlis ua ntej ntawm nws yuav rau xaiv ua Vaj Qhia, nws tau hais qee yam uas lub Koom Txoos Kav Tos Liv hais tias lub Koom Txoos yuav tos txais neeg LGBTO. “Yog tus txiv neeg twg ua poj niam thiab nrhiav Tswv Ntuj, nws muaj kev xav zoo, mas kuv yuav txiav txim tsis tau rau leej twg ?” Nws yog tus Vaj Qhia uas hais tej yam lwm tus Vaj Qhia tsis tau hais dua. Tsis yog tias cov lus ntawd xwb, tab sis yog hais txog kev txaus siab uas yuav hais raws qhov tseeb thiab txo tej yam phem rau cov tub xov xwm uas nyob nram qab hauv lub dav hlau thiab.
Tsab ntawv xov xwm Time thiab Advocate qhuas txog Fas Ntshis Kus tias yog neeg zoo hauv lub xyoo. Nws raug luam nyob ntawm daim plhaub ntawv xov xwm Rolling Stone Fortune hauv cov neeg nto npe tshaj nyob thoob ntiaj teb. Nws yog thawj tug Vaj Qhia uas muaj Instagram thiab muaj neeg raws qab txog 1 plhom leej nyob hauv thawj 12 teev.
Nws lub npe txij thaum yug los yog Jorge Mario Bergoglio, nyob hauv lub nroog Buenos Aires, nyob As Zees Tis Nas teb. Nws yog thawj tug tub hlob nyob hauv lawv 5 tug kwv tij uas khiav ntawm Is Tas Lias teb los. Thaum nws tseem hluas, nws ua hauj lwm thiab kawm chemistry ua ntej yuav mus kawm ua tub tshaj Ntuj Lus. Thaum Vaj Qhia Npes Nes Dis 16 so laus, mas nws yog tus Tswv Qhia uas tag caij nyoog lawm, vim nws muaj 76 xyoo. Nws lub hnub nyoog laus dhau. Tab sis tom qab tawm suab xaiv tsa 5 zaug, mas nws raug xaiv ua Vaj Qhia thiab nws yog thawj tug Vaj Qhia nyob hauv cov Yes Xus Is, thiab yog thawj tug Vaj Qhia nyob hauv xeev ntuj Latin America. Nws kuj yog thawj tug Vaj Qhia hauv yuav luag 600 xyoo tom qab kev so laus. Fas Ntshis Kus kav tas lub Koom Txoos uas muaj 1,300 plhom leej neeg, uas sib tawg los ntawm kev ntaus me nyuam hauv lub cev. Kev sib nrauj, kev txais cov Leej Phauj thiab cov Txiv Plig uas twb yuav dua poj niam lawm, nkag los hauv lub Koom Txoos hauv lub caij muaj kev kub ntxhov loj sab hauv thiab sab nraud hais txog suab npe. Ib qho ntxiv yog nws tau tsim tus yam ntxwv tshiab rau cov neeg ntseeg Kav Tos Liv nyob hauv lub caij lub Koom Txoos xav txhim kho tshiab. Fas Ntshis Kus yog tus ua kom cov poj niam muaj hauj lwm ua nyob hauv tsev teev Ntuj thiab nyob Vas Tis Kas, tab sis tsis kam hloov saib cia lawv ua Txiv Plig.
Nws tau kheev cov Txiv Plig uas yuav dua poj niam lawm, kom lawv mus ua Txiv Plig nyob tej chaw deb, tab sis qhov kawg tsis tau ua cov hauj lwm ntawd. Nws zeem tseeb txog lub Koom Txoos txoj kev ntseeg uas tiv kev nchuav me nyuam ntau zaus. Cov neeg Kav Tos Liv uas xav txuag tej yam qub qub cav Fas Ntshis Kus tias ; nws muab kev nthuav dav ua qhov tseem ceeb thiab kev ua hauj lwm uas tsis xav txog lub Koom Txoos txoj kev ntseeg.
Lwm tus kws xyav moo teeb lus nug tias : Vaj Qhia kev ua hauj lwm ua kom lub Koom Txoos txoj cai nruj tuaj, kev daws kho kev sib deev ntawm cov Txiv Plig ntawd puas dhau cai los tsis dhau ? Tab sis vim teeb tsa 21 tug Tswv Qhia Liab uas muaj ntau yam sib txawv hauv xyoo 2022, Fas Ntshis Kus tau txw cov thawj coj hauv lub Koom Txoos qaug mus rau lub ntiaj teb uas tab tom txhim kho ntau dua, thiab muaj kev nthuav dav ntau tuaj. Nws hais txog teeb meem kev txom nyem tsawg kawg.
Vaj Qhia Fas Ntshis Kus nkag siab tias nov yog lub ntiaj teb uas raug ntau yam kev mob. Thiab tej kev mob ntawd nws loj heev uas yuav tsum yog Tswv Ntuj ua tus kho. Thaum nws lub cev ntaj ntsug pib qaug zog thiab mus txog tej xov xwm cuav hauv kev so laus, mas Vaj Qhia uas nws tau ua cov hauj lwm pab cov neeg pluag txom nyem nyob hauv lub nroog Buenos Aires raws li nws tau hais tseg. Thov tso lub cuab tam ntawm kev zoo, tsis yog tso txhua yam toob xib tseg xws li Vaj Qhia tus kheej tau ua. Vim kev ntxuav taw rau cov neeg raug txim nyob hauv nkuaj, puag cov neeg mob thiab ua teeb ci rau lub Koom Txoos Kav Tos Liv cov hauj lwm nyob hauv kev nyiam kev hlub thiab kev khuv leej.
